道歉用繁體字惹不滿 網友斥易建聯:請用簡體

Fri Nov 04 2016 10:25:28 GMT+0800 (中國標準時間)

撰文︰Take it e時

估唔到易建聯無懼挑戰占士高比拜仁,但卻輸俾一對李寧波鞋。最近易建聯因一對波鞋而搞到滿城風雨,是咁的,早前被湖人棄用嘅易建聯「易帝」回到CBA(中國男子籃球職業聯賽)後,喺比賽中途除咗對李寧波鞋,換番自己贊助商Nike嘅波鞋,一度被球證拒絕上陣,點解?因為李寧牌贊助咗中國CBA嘅關係,所以每個球員都要著李寧波鞋比賽。最後球證通融獲批上陣,但就被網民插爆開先例。易帝見件事愈鬧愈大,今日就喺微博道歉,但就因為用咗繁體字而惹嚟部分中國網民不滿。

▲因為呢個舉動令易建聯被批。

▲易建聯尋日喺微博道歉。

易帝表示「當時腳的不適與疼痛感影響情緒」至會咁做,更稱係「不適當行為」,對造成負面影響感到唔好意思,願意接受責罰。部份「死忠」接受易帝嘅道歉,仲叫佢做好本份,唔好影響打波心情,但部份網民見易帝用繁體字就好不滿,話睇到好礙眼好費神,斥問點解要用繁體唔用簡體?又話大陸人就應該要用返簡體,甚至有網民問用繁體字係咪想搞台獨㖭!不過有網民反駁,易建聯係廣東人,用繁體字係好正常,唔使「玻璃心」上身。

▲讚好數字反應網民幾不滿易建聯,當然亦都有網民撐易帝嘅。

其他不滿易建聯嘅網民認為,佢踐踏緊中國品牌嘅利益,怒斥「李寧到底怎麼對不起你了。就算你不滿籃協,就一定要去損害李寧的利益嗎?」;亦有網友叫易建聯滾出中國球壇,有傷就唔好返嚟、「不穿李寧,那就退下去吧」,說話非常難聽。

道咗歉都要俾人鬧,真係難做人呀。


#易建聯#易帝#阿聯#cba#繁體字#玻璃心#熱話

相關文章
教育局出聲明:沒有規範中小學生學簡體字
鬧錯另一個賀頓 大陸網民:找錯地方向你道歉
中國要求道歉 澳泳協力撐賀頓:有權表達觀點
專欄|玻璃心慎入(楊岳橋)
偽AV女參加G-1格鬥 俾人打到瞓低喊住入院

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x