邊個係幕後黑手? 《致命復活》四大害安仔嫌犯

Fri Nov 25 2016 12:20:00 GMT+0800 (中國標準時間)

撰文︰Take it e時

最近台慶劇《致命復活》睇到唔少人好肉緊,皆因飾演韋逸昇嘅郭晉安逃出生天之後,發現原來自己係俾人設局陷害,於是決定親自搵出幕後黑手。不過佢查找真相嘅過程唔單止遇上各種阻撓,而作為旁觀者嘅電視觀眾,其實更可以發現佢嘅身邊人幾乎個個都有嫌疑。你嘅心目中,又覺得邊個係真正嘅主謀呢?

阮喬(萬綺雯 飾演)

飾演安仔老婆嘅萬綺雯,劇集開頭有「綁架安仔呃保險金」嘅嫌疑,甚至有人懷疑佢同黃德斌夾計謀害親夫。不過呢幾集萬綺雯對安仔甚為關心,早前劇情更提及佢為搵老公而欠落一身債,咁樣諗落又似乎唔似幕後黑手?

▲如果真係謀害親夫,都幾衰下喎!

林浩仁(黃德斌 飾演)

出心出力幫安仔手搵真相,但黃德斌喺劇中嘅表現亦時有可疑之處。佢會唔會係為咗萬綺雯所以設局害安仔?落力幫安仔手又係咪演戲?相信唔少觀眾都有過疑問。但如果要害安仔,但又為救安仔搞到俾人射斷腳,好似又得不償失喎……

▲會唔會成個局都係為咗搶人老婆呢?

韋逸隆(古明華 飾演)

老婆奴款嘅古明華身為安仔嘅胞兄,好似好懦弱咁,但其實佢都有不可告人嘅一面。而第一集提到安仔冇借錢資助佢做生意開拓大陸市場,亦似乎係埋下咗「害安仔呃保險金」嘅動機同伏線。所謂「最親嘅人都可能害你」,幕後黑手會唔會就係佢?

▲愈唔起眼嘅人愈有可能係凶手?

關士杰(張國強 飾演)

表面善良嘅張國強雖然扮到成個好兄弟咁款,但安仔一俾人綁架,佢就即刻攤薄晒安仔股份,仲乘機吞併公司。張國強咁工於心計,如果佢真係最終Boss,都唔係冇可能喎~

▲即使做緊好人咁樣,唔知點解總有種奸嘅味道。

圖片來源:TVB

#致命復活#幕後黑手#郭晉安#萬綺雯#黃德斌#古明華#張國強#TakeItE時#熱話

相關文章
再爆《致命》結局 萬綺雯係終極Big Boss
終極爆結局 《致命》《幕後》死得人多
扮野人定傻仔乜都得 郭晉安演活真正嘅「忠奸人」
強姦食蟲噴血樣樣齊 《致命復活》首集超重口味
撞車後自拍報平安 王浩信自嘲似火影忍者卡卡西

推介文章
【孖你做瑜伽】瑜伽幫你輕鬆減壓(下)
愛家的男人 黃浩然
放蛇試明星麵 麥包小儀慘敗 牛雜妹完勝
包無投訴 粉紅餐廳
彈弓吊索健身 蘇慧恩飛天收腰
【余此好味】富貴滋補 葱油涼拌蟲草花
【跟住爸爸食麻神】台灣過江龍麻神 開門七件事
祖藍大讚神秘女歌手 原來係杜麗莎大女
【跟住爸爸食麻神】黃浩教路食乜最好
皮膚又痕又乾 中醫教食無花果
燈影蓮藕 伴香煎北海道帶子皇
新咪神黃文意 VR健身練馬甲線
按此閱讀臉書精彩內容

熱爆e+up


載入中…
x