邊套最經典? 無綫重拍《十兄弟》搵張曦雯做靚媽

Wed May 24 2017 13:00:00 GMT+0800 (中國標準時間)

《十兄弟》呢套經典劇集陪伴過唔少人成長,你可能都曾經追睇過。而繼2004年拍攝劇集版之後,相隔十年嘅今日,無綫決定再次重拍《十兄弟》;喺新版本飾演「美豔媽」嘅張曦雯,今日仲喺Facebook同大家分享佢嘅「家庭大合照」。

▲新版本嘅演員,又合唔合你眼緣呢?

演員唔同晒,俾人嘅感覺自然亦都好唔同。而其實除咗最開始嘅粵語長片版《十兄弟》,亞視同無綫都曾經改編拍過劇集版。以下唔同嘅版本,你又覺得邊個最經典呢?

無綫版2007年

呢個版本對無綫迷嚟講一定最熟悉。無論係「阿爸阿媽」郭可盈同林文龍、定係十兄弟嘅演繹,到今日依然令觀眾印象深刻。加埋當年大受歡迎嘅青春靚女唐寧,07年嘅《十兄弟》絕對可以話係唔少劇迷心中嘅經典。

▲「馬壯」黎諾懿都係劇中主角~

▲十兄弟大合照。

▲嗰時出演《十兄弟》嘅唐寧,係唔少人心目中嘅女神。

電影版 1995年

拍得做電影,演員班底今日睇返都頗為「強勁」。除咗搵嚟鍾鎮濤同「女神」張敏做十兄弟嘅父母,千里眼仲要係羅家英飾演,更加未提苑瓊丹、石堅等實力派演員,咁嘅配搭一定俾到你新鮮感。

▲好有「氣勢」嘅家英哥……

亞視版 1985年

睇返亞視版嘅《十兄弟》,年代久遠,「色水」今日睇返自然係差咁啲。不過作為原版嘅首個改編,又有唔少尹天照、駱達華、吳剛等演員「擔大旗」,加埋《十兄弟》本身引人入勝嘅劇情故事,當時都幾受歡迎。

▲老一輩嘅電視迷應該都睇過呢個版本。

▲你認唔認得出十兄弟邊個打邊個呢?

粵語長片版 1959年

歷史悠久、最原始嘅《十兄弟》版本,片中唔少老牌演員近年都相繼離世,昔日嘅「十兄弟」都所剩無幾。作為經典,你又會唔會抽時間重溫返呢?

▲經典永遠都係經典……

圖片來源:TVB

#十兄弟#無綫#經典#重拍#亞視#林文龍#郭可盈#唐寧#張曦雯#TakeItE時#熱話

相關文章
「兜巴信」變「剝衫王」 王浩信:好辛苦完全唔Enjoy!
外國人亂入鏡頭玩掃把 重溫無綫爆笑追風片段
傳新劇擔正男一 何廣沛:起碼要三五七年
過檔無綫做靚仔高層 「游生」袁文傑原來係家明表哥
專屬情人 林文龍

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x