(金像獎)郭富城稱帝春夏封后 《踏血尋梅》成全晚大贏家

Sun Apr 03 2016 23:30:00 GMT+0800 (中國標準時間)

撰文︰Take it e時

今晚係第三十五屆香港電影金像獎頒獎典禮,最囑目嘅一定係最佳男主角獎嘅「世紀大戰」。除咗有劉德華、張學友、郭富城三個天王,仲有張、梁兩個影帝家輝,賽前真係可以話係勢均力敵,競爭非常大。

▲5次提名後終於拎到獎,難怪郭富城咁開心。

最後郭富城拎到最佳男主角獎,成功稱帝,佢竟然喺台上話:「我冇準備」。原來佢話5次提名都拎唔到獎,以為要再努力啲,估唔到最後有獎。《踏血尋梅》入面嘅表現咁出色,絕對係實至名歸。

▲春夏拎到獎,下次會唔會到秋冬呢?

最佳女主角獎由春夏拎到,佢喺台上多謝香港電影:「因為有香港電影我先可以有飯食,有夢作」,當然仲唔少得多謝「最愛」嘅白只啦!而最佳女配角獎由金燕玲奪得,佢表示入行幾廿年最深刻就係《踏血尋梅》呢套戲,指未見過大家可以咁齊心,講講下佢都忍唔住落淚:「我覺得自己幸運到不得了」。

▲白只拎兩個演員獎,今晚最威係佢!

另一方面,最佳男配角獎就落入白只手中。佢之前已經憑《踏血尋梅》拎到富川國際奇幻電影節特別表揚男演員獎同金馬獎男配角獎,今次就拎完最佳新演員獎再拎男配角獎,同《踏血尋梅》一樣狂掃獎,仲唔係今晚嘅大贏家? 不過全場最精彩嘅畫面一定係《十年》贏得最佳電影獎,宣布一刻全場歡呼,真係非常振奮人心!

▲《十年》成為最佳電影,全場歡呼!

▲作為獨立電影之餘又要被大陸封殺,都可以有咁嘅成果,《十年》係勁嘅!

▲春夏拎獎,白只心情激動。

▲郭富城未拎獎時俾劉嘉玲連番「針對」,哭笑不得。

▲最佳女配角獎得主金燕玲激動落淚。

「第35屆香港電影金像獎」得奬名單:

最佳新演員:白只《踏血尋梅》
新晉導演:許誠毅《捉妖記》
最佳攝影:杜可風《踏血尋梅》
最佳剪接:張嘉輝《葉問3》
最佳美術指導:張叔平、邱偉明《華麗上班族》
最佳服裝造型設計: 奚仲文《捉妖記》
專業精神獎:周永光先生
最佳視覺效果:Jason Snell、潘國瑜、湯冰冰《捉妖記》
最佳音響效果:曾景祥、李耀強、姚俊軒《智取威虎山》
最佳女配角:金燕玲《踏血尋梅》
終身成就獎得主:李麗華女士
最佳原創電影音樂: 羅大佑、陳輝陽《華麗上班族》
最佳原創電影歌曲:差一點我們會飛《哪一天我們會飛》
最佳兩岸華語電影:《剌客聶隱娘》
最佳男配角:白只《踏血尋梅》
最佳編劇:翁子光《踏血尋梅》
最佳動作設計:李忠志《殺破狼II》
最佳導演:徐克《智取威虎山》
最佳女主角:春夏《踏血尋梅》
最佳男主角:郭富城《踏血尋梅》
最佳電影:《十年》


#金像獎#郭富城#春夏#金燕玲#白只#踏血尋梅#影帝#影后#獎#TakeItE時#推介#即時

相關文章
松田龍平變身毒男 夏威夷追女神
政治題材太敏感? 《樹大招風》疑遭封殺被消失
金像獎向曾俊華偷師 薯片叔叔:支持香港電影
「尷尬奧斯卡」落幕 《La La Land》連掃六獎成大贏家
《骨妹》廖子妤余香凝 跳逃恥舞賀入圍金像獎

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
按此閱讀臉書精彩內容

熱爆e+up


載入中…
x