重提普教中事件 趙學而發火:香港係講廣東話

Fri Oct 07 2016 10:57:47 GMT+0800 (中國標準時間)

撰文︰Take it e時

普教中同香港人講廣東話定普通呢兩個議題,一直受港人關注,好多香港人都抗拒普通話代替廣東話做日常語言,加上內地文化差異,令普遍市民對普教中持反感態度,就連歌手趙學而都非常抗拒呢種「入侵」,最近佢接受傳媒訪問時,重提呢個話題更加係火起,不開名地炮轟年初力撐普教中嘅前財政司司長梁錦松。

▲趙學而曾喺FB炮轟梁錦松。

今年年初,梁錦松公開力撐普教中,更稱香港人「唔係個個母語都係廣東話」,認為普教中對寫作有好處,當時趙學而都喺FB鬧爆,直言「作為一個香港人,廣東人,母語一定係廣東話!」事別大半年,趙學而重提舊事依然好有火,不吐不快:

我唔係刻意針對某個人,而係某啲事情我哋需要堅持,最令我激動係講廣東話問題,一個香港長大、土生土長香港人,竟然話廣東話唔係自己母語!

趙學而又稱即使係潮州人都會撐潮州話,更認為中國有好多城市,每個城市都可能有自己嘅方言,「點解唔可以堅持自己嘅語言呢?」

香港人由細到大都係聽廣東歌、睇港劇,忽然間開電視全部講國語,你都覺得有啲奇怪。雖然鐵一般事實,香港地講國語人越嚟越多,但呢度始終係香港,開埠以嚟都係講廣東話,就係咁簡單!

▲趙學而認為香港人應該講返廣東話。

堅持堅持幾多錢一茶匙?但正如學而所講,有啲嘢係無論點都要堅持,譬如呢種香港一直以嚟使用開嘅廣東話。

圖片來源:趙學而FB

#趙學而#普教中#廣東話#普通話#日常用語#發火#TakeItE時#e分鐘#熱話

相關文章
着情侶白Tee去濕平 蔡一智老婆身材好
「仁神術」放負超掂 趙學而:眼淚係咁流
捱足22年開個唱 趙學而爆喊:我一世好似活咗七世
專欄︱有種歌手,叫趙學而(林蕾)
歌迷力量嚇你一跳 陳柏宇演唱門票極速售罄

推介文章
相隔多年再合作 黃浩然扮摑千嬅玩到癲
【Wee Chat 第一集】少年偶像係岳少大劉 黃浩:又多錢又多女
天天海南雞的秘密 80蚊食海南雞
【最POP本地頒獎典禮】Supper Moment得獎好開心 彭秀慧:想做就去做
【薯片風波】被鬧自以為天王巨星 袁偉豪都捱過:最壞打算做搬運工人
布吉名牌度假村 最新瀑布泳池呃like
布吉最新森林resort 做個原始林中仙子
布吉做艇主 無人沙灘去野餐
去Taste of Hong Kong 有乜好食?
【上瞓下痾】畸形設計月租$4,800 網民:瞓M記好過
有傳無綫再拍《美女廚房》 回顧地獄廚神吳雨霏、G.E.M. 點騎呢
馬是如何運來的?
按此閱讀臉書精彩內容

熱爆e+up


載入中…
x