重提《歌手》被退出 軒仔鞠躬跪謝歌迷:算係圓咗心願

Fri Feb 17 2017 11:53:20 GMT+0800 (中國標準時間)

撰文︰Take it e時

張敬軒早前上大陸節目《歌手》被封殺,明明已經錄咗一集,結果被強行抽起,仲要俾人用CG同剪接刪除所有「戲份」。一切已事過境遷,軒仔亦已釋懷,尋日更喺紅館同王菀之合辦嘅演唱會上重提舊事,就算粉絲即刻大叫:「唔好講」都阻止唔到軒仔,最後軒仔分享完感受後,向四面台作90度鞠躬致歉。

▲軒仔連翻向觀眾鞠躬致謝。

首先軒仔連唱兩首歌,一首係陳百強嘅《等》,同自己嘅代表作《櫻花樹下》,唱完後隨即向台下觀眾鞠躬,之後單腳跪地答謝觀眾。軒仔表示,呢兩隻歌係特意揀,更重提《歌手》一事,隨即有觀眾大嗌「唔好講」,但軒仔冇理:

當時呢個節目想我唱多啲廣東歌,呢兩首歌原本打算喺節目唱,一首係代表作,一首係粵語流行曲最輝煌嘅歌,係我偶像陳百強作品。今次可以把握機會向觀眾致意唱俾大家聽,算係圓咗心願。如果今晚有個百寶袋,可以裝住大家歡呼聲及掌聲就好,我會繼續用我嘅聲音及音樂Talent唱多啲好歌。

▲軒仔同王菀之感情要好,更喺台上相擁,感激對方。

事後軒仔接受訪問時,被問怕唔怕再提及《歌手》一事有唔好嘅反應?軒仔表示:「咁又唔會,第一件事過咗去,件事嘅判斷喺觀眾,我覺得成件事入面,都有好多支持我嘅聲音,今次都係多謝佢哋。」尋晚唔少來自外地嘅歌迷專程飛嚟香港支持軒仔,包括台灣、馬來西亞、甚至大陸,令軒仔好感動同好感觸:

喺嗰件事之後...人生就係咁,每件事都有兩面,嗰件事之後我微博多咗十幾萬fans,ig都多咗!今晚係一個我同Ivana嘅演唱會,想帶畀大家視覺同聽覺享受,冇諗太多嘢!

軒仔又補充,因為知道歌迷心痛自己捲入是非,所以不遺餘力地將最好回饋歌迷。

圖片來源:shanyeung、yane02.02010716、uusagii_

#張敬軒#王苑之#演唱會#歌手#鞠躬#跪謝#e分鐘

相關文章
e衫評 鍾嘉欣有型格 傅嘉莉太單調
謝謝你這輩子做了我的… 張敬軒王菀之的愛
前年話冇勇氣嗌歌 今年張敬軒參加《我是歌手》第5季
勁歌頒獎禮估你唔到 劇集歌真係實至名歸?
拎獎冇再提阿媽 欣宜:我只係一個幸運兒

推介文章
【e分鐘投票】假如你有票… 都市人心見中的特首
狠飛吳彥祖「空心」表哥 陳雅倫夜會富豪
電影不能缺少的男配角 林雪:老竇叫我拍戲先有今日
何雁詩入行8年 「父母冇諗過我仲生存緊」
同B拍戲母性大發 44歲Sammi練盆骨操造人
免電隨身咖啡機
宅男女神大戰 簡淑兒硬撼江嘉敏
東京拍飲食旅遊節目 連詩雅獲黃浩大讚
同爸爸十年冇見 林作:佢有另一頭住家
有牛有高潮! 黃浩帶連詩雅日本食靚牛
養生清涼 松茸椰青雞鍋
獨家 大劉健康不穩分身家 甘比離奇現身港安醫院
按此閱讀臉書精彩內容

熱爆e+up


載入中…
x