重提當年離開香港原因 側田:因為怕孤獨

Wed Oct 26 2016 11:31:52 GMT+0800 (中國標準時間)

撰文︰Take it e時

「我覺得是香港的樂壇離棄了你……」巫啟賢喺最近一集《蒙面歌王》同「小王子」側田講咗呢番說話,而側田亦因為呢個比賽而重新得到香港人關注,原來我哋真係失去咗一個唱得之人。不過有網民就翻舊帳,抨擊側田喺6年前訪問中嫌棄香港樂壇,又話北上做三線歌手都俾喺香港賺錢多十倍,唔明點解仲有人覺得香港市場重要,令人質疑「香港人幾時有放棄過側田?」,事隔6年,側田趁住呢個時候開腔回應。

▲側田出道時一鳴驚人,僅一年就開紅館,仲要10分鐘就火速售罄,旋即加開兩場,同樣爆滿。

側田接受傳媒電話訪問時提到當年自己離開香港嘅原因,側田直言係因為愛情,當時其女友身處北京,而側田怕自己一個人:「因為喺香港好孤獨,覺得做完嘢返屋企,困住喺四堵牆,感覺好難受,試過喺錄音室要睇鐘睇錶等放工,我最緊要係做到自己滿意音樂,但嗰陣時真係可能好多其他因素,令到我嘅靈感冇晒,冇咗嗰種feel,唔開心係呢樣嘢,所以要離開一陣透吓氣,所以去咗北京。」

▲當年側田(前)同曹格(後)醉酒生事鬧到滿城風雨,但早喺幾年前已冰釋前嫌,繼續做好兄弟。

其實2010年嗰陣嘅側田受唔少負面新聞影響,一嚟同緋聞有關,二嚟同曹格醉酒打架一事幾近令形象插水,三嚟當時樂壇氣氛差,令側田心灰意冷,種種原因加起嚟,令呢位唱作歌手毅然離開。

▲香港人都仲好支持側田!

對於自己被翻舊帳,佢就咁講:「其實我做人,所有決定都係自己選擇,嗰時離開香港係自己選擇,唔關任何人嘅事。」咁將來日子會點?側田話會重新出發,下個月將plug第一首歌:「俾大家聽吓我新一面嘅音樂風格,重點我係堅持做廣東歌。」

側田,其實香港人仲好鍾意你,大家一定會珍惜你㗎!


#側田#香港#蒙面歌王#小王子#孤獨#TakeItE時#e分鐘

相關文章
新歡陪食好猴擒 側田唔夠錢女友埋單
側田上《歌手》唱重編版《命硬》 網民勁彈:浮誇到好難聽
等你回我身邊繼續回味 精選11首側田經典金曲
一個全新的你 側田歌唱比賽脫面罩以光頭示人
好聲音藏不住 側田蒙面參賽獲好評?

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x