閃婚甩拖生仔小三 2016娛圈五大勁爆新聞

Sat Dec 10 2016 19:25:15 GMT+0800 (中國標準時間)

撰文︰Take it e時

2016年得返大半個月,即係表示好快就踏入新一年啦!回顧返今年娛樂圈,都有唔少勁爆嘅新聞,有人閃婚有人生仔都有人分手。趁今日,就同大家回顧下呢一年五大娛樂圈事件,睇下有幾勁爆啦!

舒淇馮德倫結婚

今年娛圈最爆嘅,一定係舒淇同馮德倫「閃婚」啦!兩位一直都冇承認過戀情,點知兩個人去到外地拍戲嘅時候,竟然心癮起跑咗去結婚,話嚟就嚟,不過一直俾人話剩女嘅舒淇搵到自己真愛,當然好多人戥佢哋開心啦!

▲唔係講笑,佢哋發聲明嘅時候,真係全城哄動。

鄧麗欣方力申分手

分手後一分鐘,唔知鄧麗欣方力申有冇後悔聲音呢?呢對金童玉女拍拖十年,原本大家都以為佢哋會有個完美結局,點知突然宣布分手!雖然Stephy喺社交網聲指係因了解而分手,不過外界就傳出其他分手原因,好似係Stephy有第三者,同埋迫婚不成咁。

▲佢哋兩個分手之後,各自接受傳媒訪問時都有激動落淚。

吳若希分手後生仔?

愛情可以好簡單,都可以好複雜!好似吳若希咁,今年7月頭就公開同澳門闊少男友Alex Ho嘅戀情,點知公開戀情兩個月後,又宣布分手!正當大家以為吳若希可以重新出發時,佢居然喺網上寫「我想休息一段時間」,疑似想退出娛圈,仲有傳佢有咗㖭!而近日,佢仲宣布自己有咗三個月,要做人媽媽啦!

▲之前吳若希先話想休息一段時間,估唔到係有咗。

明福俠降臨

黎明喺年頭開嘅4D演唱會,一改傳統喺中環海濱搞,除咗大爆金句「核心嘅外圍」之外,仲棒出一個明蝠俠喎!黎明以明蝠俠身份,不停喺網上拍片回答粉絲問題,到演唱會完咗之後,佢仲不停出現同大家傾計㖭!當大家都愛爆明蝠俠嘅時候,黎明居然宣布「一Book不能藏Two Face」,明蝠俠咁就離開Leon啦!

▲明蝠俠不知幾紅呀今年。

周焯華愛情事件簿

周焯華雖然有正印老婆Heidi,不過又同Mandy Lieu擦出愛火,三角戀沒完沒了。上年Mandy Lieu為洗米華誕下愛女,今年仲為佢生咗個仔,洗米華都不知幾開心,不過轉個頭又話周焯華根本未忘正印Heidi,仲公開唱情歌俾老婆聽咁,真係好複雜呀!

▲佢哋三個嘅戀愛,真係好難理解!

圖片:網上圖片

#閃婚#甩拖#生仔#小三#2016#娛圈#五大#勁爆#新聞#TakeItE時#熱話

相關文章
陳自瑤拒生仔起紛爭 王浩信搬離愛巢
最叻星二代 倫子譚曉風攬女示眾
阿叔巴士激戰後生仔 「納爾遜色鎖」重現人間
蒙面踩單車操弗生仔 王浩信想送樓俾老婆
用個人FB反擊網民 蘇永康否認:懷疑帳戶被hack

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x