陳柏霖自畫像驚變姜Gary? 智孝念念不忘「週一情侶」四大原因

Sat Mar 26 2016 17:50:28 GMT+0800 (中國標準時間)

撰文︰Take it e時

最近陳柏霖同宋智孝參加大陸真人騷節目《我們相愛吧》,更於當中扮演約會中嘅情侶。本為營造效果,但傳聞單身多年嘅宋智孝疑似同陳柏霖撻着,而男方亦暗示自己可能會看上對方。係真定假就唔知啦,不過喺節目上,二人非常投入,甚有情侶feel。喺最新一集《我們相愛吧》,二人更為對方繪畫自畫像,但從智孝為陳柏霖所畫嘅自畫像中,盡見緋聞情人姜Gary嘅影子,令觀眾猜疑,宋智孝係咪對姜Gary念念不忘?

▲真係幾似gary喎!

智孝畫像中嘅陳柏霖,髮型係中間分界、細眼、小小豬咀,望起嚟跟本同現實中嘅陳柏霖唔似樣,反而就同緋聞情人姜Gary非常相似,幾乎可以話係一模一樣,難怪網民睇完之後都話:「智孝掛住姜Gary。」

「當攬緊他人,想起跟你熱吻。」究竟係咩原因令宋智孝對住靚仔小生陳柏霖,都會諗起姜Gary呢?究竟姜Gary對智孝點解咁念念不忘?

合作多年?

從《Running Man》開始合作至今已超過6年,二人喺節目上非常合拍,不時有互動,因此被稱為「情侶」,而每逢星期一拍攝《RM》時,二人就會化身為「週一情侶。」雖然節目上智孝同其餘幾位成員都有好多交流同接觸,但講到最多嘅始終係同姜Gary,除咗有親密接觸嘅機會之餘,曾試過客串對方嘅劇集同演出MV㖭!合作得多,又咁親暱,自然念念不忘啦,係咪?

▲唔覺唔覺週一情侶已經合作咗6年。

紅顏知己?

雖然姜Gary自爆私下冇同智孝聯絡,但智孝就反駁,對方曾私下提出交往。邊個講真話,邊個講大話就唔知啦,不過二人因經常合作而非常了解對方,就算唔係情侶,都會令人覺得二人關係甚好,係心有靈犀嘅紅顏知己,咁突然諗起對方,都唔出奇嘅!

▲友達以上,戀人未滿。

條件相符?

單身咗幾年嘅智孝,經常被問擇偶條件,而智孝都大方表示,心目中理想男人,需具備溫柔、體貼、哄到自己開心三大條件。姜Gary明顯符合呢三大條件,智孝亦承認過,姜Gary完全符合佢開嘅條件。既然搵到個咁啱自己嘅人,又係拍檔,又係好友,咁多因素加埋,好難唔諗起對方囉。

▲根據治癒系說法,呢個情況可形容為:有種相愛不能愛,叫姜Gary與宋智孝。

真心歡喜?

智孝同姜Gary經常以「情侶檔」身份出席活動,早已被指假戲真做,甚至曾經暗中交往。Gary口裡經常提住智孝個名,又指曾不斷嘗試接近智孝,但最終「已經過咗最適合的時間」,結果感情未能再進一步。早前《RM》節目入面,曾安排兩位單獨約會,更用心電圖測試二人對雙方嘅感覺,發現智孝覺得同姜Gary一齊好安全,而姜Gary亦產生一種「與同事之間嘅愛」,由始可見,其實二人真係有一種交心嘅感情。話晒都日見夜見咗6年,對對方念念不忘,唔出奇掛!?

▲就算冇一齊,二人關係都非常好。

▲唔知宋智孝會揀邊個呢?

咁唔知你又覺得宋智孝襯Gary多啲?定陳柏霖多啲呢?


#韓國#週一情侶#姜Gary#宋智孝#陳柏霖#rm#好情人#好朋友#我們相愛吧#TakeItE時#熱話

相關文章
韓國人氣Pink Pool Café 香港開咗啦!
揭韓國性感女神李孝利 用邊隻牌子化妝品
韓國老牌雪糕殺入K11
【必去4大韓屋.咖啡店】
【實測】白鞋救星出現 韓國Shake Shake洗鞋袋

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
按此閱讀臉書精彩內容

熱爆e+up


載入中…
x