離婚後遇真愛 圈中再婚夫妻幸福到漏

Tue Apr 12 2016 07:00:44 GMT+0800 (中國標準時間)

撰文︰Take it e時

「合則嚟不合則去」。結婚,未必係一生一世㗎,有時因為種種原因,以致雙方未能走到最後,或者放開之後,你先搵到真正嘅幸福。好似汪峰咁,雖然離婚兩次,但之後佢就邂逅咗章子怡,依家仲結埋婚生埋女,日前仲幫囡囡「醒醒」搞咗個超豪百日宴。喺宴會上面,一家三口,加埋汪峰同舊愛葛薈婕所生嘅「小蘋果」,上演一場溫馨感人嘅一幕,睇得出佢哋有幾咁恩愛,幾咁幸福呀!

▲一家四口全家福,溫馨又幸福!

▲「醒醒」得到爸爸媽媽嘅愛護,仲有咁多人嚟佢百日宴,係天下間最幸福嘅寶寶之一。

▲見到汪峰一手攬住章子怡,加埋子怡個笑容,真係閃到你呢。

喺娛樂圈入面,其實仲有好多人,離婚之後,都搵到自己嘅真愛,同另一半過住幸福快樂嘅生活㗎!

周潤發+陳薈蓮

發哥同余安安喺1983年閃婚,但呢段婚姻,只維持咗九個月。之後發哥認識咗陳薈蓮,喺1987年結婚,到依家差唔多結婚30年啦!

▲佢哋係圈中嘅模範夫妻。

吳奇隆+劉詩詩

吳奇隆與前妻馬舒雅喺2009年離婚,之後吳奇隆拍內地劇《步步驚心》,邂逅同劇演員劉詩詩,兩個人拍拖一年幾,就註冊結婚。今年更加喺峇里島舉行盛大婚禮。

▲佢哋經常喺微博晒恩愛。

鄭中基+余思敏

鄭中基2010年被踢爆同阿Sa秘婚四年,兩個人宣布已婚,但同時宣布離婚。之後同主播余思敏結婚,依家育有一子一女,非常幸福。

▲佢哋兩個經常夫妻檔出席活動,仲喺網上大晒恩愛。

鍾鎮濤+范姜

鍾鎮濤同章小蕙1988年結婚,婚後生咗一仔一女。到99年,因為章小蕙疑有第三者,所以兩人決定離婚。喺鍾鎮濤最艱難時刻,遇到范姜,范姜對佢不離不棄,拍拖17年,終於喺2014年完婚。

▲范姜更為鍾鎮濤生下兩個囡囡,一家六口樂也融融。

睇到以上咁多位,雖然經歷過婚姻失敗,但都令佢哋有機會,搵返生命中嘅真愛,變得比以前更加幸福。所以話,呢個世界上,幸福唔係必然㗎,都要靠你自己再去爭取呀!

資料圖片:爱奇艺娱乐、謝楠、鍾鎮濤、劉詩詩微博
余思敏facebook
網上圖片


#章子怡#汪峰#百日宴#愛女#醒醒#鍾鎮濤#范姜#余思敏#鄭中基#吳奇隆#劉詩詩#周潤發#發哥#陳薈蓮#真愛#離婚#Sa#馬舒雅#余安安#章小蕙#TakeItE時#熱話

相關文章
e衫評 周家怡贏氣派 章子怡夠潮
e衫評 馮盈盈陳豪觀音頭掃把腳
【母親節點樣放閃?】Twins孖阿媽一齊慶祝 鍾嘉欣宣布有喜
汪峰「塵埃落定」 章子怡微博宣布美國誕女
邊個係阿哥邊個係細佬? 汪圓圓幫孖仔搞超豪百日宴

推介文章
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
豪宅同居年半 譚凱琪有米男友求婚成功
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
按此閱讀臉書精彩內容

熱爆e+up


載入中…
x