難忘與女乘客靠肩睡 男事主後悔錯過良緣

Thu Jul 13 2017 12:28:16 GMT+0800 (中國標準時間)

撰文︰Take it e時

每個人相遇都係一種緣份,合眼緣嘅人要好好把握,唔係蘇州過後冇艇搭,後悔莫及。最近有位屯門網友喺網上尋找一位女乘客,指早前搭車時,隔離嘅女乘客唔覺意瞓咗喺自己肩膀上,而自己亦唔小心挨咗落對方頭度,形容氣氛「好溫馨」,但可惜問唔切對方個名而後悔不已,所以鼓起勇氣喺fb發帖尋人。

▲男乘客指當時同女乘客互挨瞓覺好溫馨。

呢位痴情男乘客指,上星期由銅鑼灣坐城巴962X返屯門時遇上呢位女乘客,當時大家都瞓著咗,當男乘客半路瞓醒時,發現隔離嘅女乘客挨住咗佢膊頭,而佢自己亦幾乎挨喺佢頭上,畫面「好似變左好溫馨咁」,可惜巴士一下急煞,衝散呢幕溫馨場面,事後二人尷尬坐番好,女乘客問對方:知唔知轉車站有冇得轉260x?而男乘客因而得知對方要去良景邨。

▲屯門轉車站人流太多,跟唔實都可能失去影蹤。

正當男乘客猶豫好唔好「抄牌」,可惜對方已經落咗車,男乘客後悔不已,更打算喺屯門市中心落車轉乘260x重遇對方,甚至去良景邨兜一把搵人,但可惜意中人嘅影蹤依然拉唔到。男乘客表示徹夜難眠,所以膽粗粗投稿尋人,希望大家幫幫手。

▲可能人哋有男友呢...

網民都認為男乘客做法好「痴漢」,但同時亦欣賞對方嘅堅持,因為嗰一下突如其來嘅觸電,真係令人深刻難忘,又認為男乘客如同對方有緣,必定會再次重遇。有網民亦分享自己嘅巴士情緣,更指現時老公正正喺巴士上重遇,所以「有緣上天一定比你遇番佢」。



圖片來源:屯門友

#巴士#搭車#女乘客#屯門#愛#瞓#e分鐘

相關文章
神奇喵星人 識搭巴士去玩同返屋企
【遊日中$600有找   新宿出發玩日本中部】
乘客不滿上車前先收BB車 巴士司機:我跟規矩做啫
出PO澄清冇打擾羅蘭姐 家長:當時囡囡係讓座俾佢
晾腳開餐剪指甲? 票選九巴最乞人憎行為

推介文章
二人世界盃 $800任食3間餐廳
【Wee Chat第5集】(完)帶囡囡坐公車食大牌檔 黃浩:佢哋要幫手做家務
【What is模範夫妻?】拍拖睇戲閃爆 陳豪攬老婆晒愛
【Wee Chat第4集】打工變成功商人 娶到港姐咪神 黃浩:想要咩就去追
Ben Sir拍嘢動作多多 慳家揀平價領呔
《美食旅客》X 吃貨咖喱 韓式小清新 閨蜜開心share
拍無綫劇做為食妹 寶珮如食完雪條再擦醉蟹
《美食旅客》X 項明生高加索三國誌 可以有幾索?
唔見鄭嘉穎 陳凱琳去街變幪面超人
LandMark歇一歇:歎愛麗斯Tea Set
相隔多年再合作 黃浩然扮摑千嬅玩到癲
【Wee Chat 第一集】少年偶像係岳少大劉 黃浩:又多錢又多女
按此閱讀臉書精彩內容

熱爆e+up


載入中…
x