零收入歲月愧對父母 何雁詩:不能讓家人擔心一輩子

Tue Jan 10 2017 11:54:04 GMT+0800 (中國標準時間)

撰文︰Take it e時

每一個歌手或藝人,成名之前必然經歷一段辛酸日子先有今日嘅成就。入行8年嘅何雁詩,近年由歌手轉型做演員,但佢未有放棄過歌唱事業。近年多咗機會唱劇集主題曲佢,憑《愛需要勇氣》得到關注,更喺4個樂壇頒獎禮上奪得3個獎項,成績不錯。唔知係咪一時感觸,前晚佢喺社交網絡打咗篇文,抒發自己入行多年嘅感想,仲自爆自己喺父母面前喪喊,估唔到平日以「開心果」形象示人嘅她,背後經歷過一段不為人知嘅辛酸史!

▲平日以「開心果」形象示人嘅何雁詩,都有感性一面。

拍劇真係好辛苦

近年何雁詩喺劇集《四個女仔三個Bar》、《致命復活》及近日播映中嘅《味想天開》皆有唔錯演出,成功給予觀眾新鮮感,但係顛倒嘅拍劇生活,做藝人絕對感受良多。當Stephanie面對父母時,忍不住放聲大哭,釋放多年來壓力:

拍劇真係好辛苦」,上星期爸爸抱著我,媽媽坐在我旁,由我大哭。好久沒有放聲大哭,因為我是堅強的女孩子。

▲近年多咗見何雁詩嘅演出。

自爆有一段日子冇收入

何雁詩表示,又自爆曾有一段時間冇收入,加上佢希望做歌手唔係做演員,但冇收入時就咩都要試,所以去咗演員,但冇收嘅嗰段日子,令佢有感對唔住家人

這幾年經歷過沒有收入的日子(而且月份很多),家人從不需要我賺大錢,但一直家人供書教學,入行八年,我覺得一個成熟的人也至少希望自給自足,不用家人擔心吧?若然我再沒有穩定收入,恐怕也不能再做音樂,因為實在不能讓家人擔心一輩子。

事後,有傳媒訪問何雁詩,佢話冇收入嗰陣係靠家人接濟,但依家有番收入時,好想回饋番佢哋:

我咁耐以嚟都冇俾過家用,但佢哋唔會怨,阿媽仲會主動問我夠唔夠錢使,幾多錢都肯俾我,所以到我有番少少收入嘅時候,都好想回饋番佢哋。

▲雖然何雁詩出生小康之家,但佢都好俾心機,憑自己闖出一番事業。

堅持歌手夢,相信有天一定會很好

可能你未必記得,何雁詩其實係《超級巨星》出身,同許廷鏗係同期出道。捱過低潮,今年何雁詩喺音樂有唔錯成績,令佢更加相信「只要有恆心,鐵柱都可磨成針」呢個道理:

堅持每一分工作都好認真去做,這一刻不是最好,但我相信只要我不放棄,一步一步走上去,有天一定會很好。

唔放棄繼續走落去,一定會搵到出路,加油啊何雁詩!

▲何雁詩依然向著唱歌嘅夢想路出進發。

圖片來源:何雁詩IG

#何雁詩#超級巨星#出頭天#零收入#成績#父母#e分鐘
相關文章
姊妹團是這樣煉成的 直播慶祝生日變唱K
【跨過生和死】帶狗行山蕩失路 陳瀅游繩落山求救
食糊食出好成績? 日本奇特「麻雀育兒法」
做運動 成績好9%
Love you變Fuxx you 父母湊B爆笑英文教室
推介文章
開心快活人
劉華墮馬盆骨重創 朱麗倩緊張爆喊
【密密食小隊】 足料爆餡大水餃 兩小時刺身火鍋放題
愛老婆會發達
【跟住爸爸去福島】下世要做豬
獨家 王菲霆鋒秘密愛巢曝光
殺出個未來 朱咪咪
唐詩詠痴心錯付 洪永城冧理財女神10年
用愛關懷流浪動物 以暫養為貓狗建立溫暖家庭
有愛就有幸福 四隻開心貓咪的故事
最新郵輪海上zip line 飛越汪洋
台北私家露天溫泉 浸獨家原湯
按此閱讀臉書精彩內容

熱爆e+up


載入中…