【霸氣】連阿姐都話車飛貴 汪明荃妙語連珠寸爆港鐵

Fri Apr 22 2016 13:00:51 GMT+0800 (中國標準時間)

撰文︰Take it e時

港鐵經常加價係人都知;而港鐵經常俾人鬧,同樣係人都知,但今次竟然連輩份極高嘅汪明荃(阿姐)都忍唔住,要爆一爆港鐵!尋日阿姐同港鐵主席馬時亨喺香港站出席港鐵活動,但阿姐就好唔留情面咁寸爆馬時亨兼港鐵,當然當中一定係有講笑成份,但阿姐句句到肉,不如聽下阿姐講啲乜?

▲咁多人生日,但只係得一人中獎,似乎做唔到小恩小惠喎。

霸氣一:質疑生日優惠唔夠受惠

港鐵推出「生日優惠」,凡係嗰日持香港身份證嘅壽星,有機會獲得一張特別版30日內其中1日任搭港鐵嘅「Happy Birthday 全日通」車票,但前題名額只有一位囉。所以阿姐聽完,就忍唔住問馬時亨:「受惠嘅人得好少喎,票價減少少仲好啦。」馬時亨即刻回答:「我哋每日都做緊!」

▲連阿姐都知港鐵成日故障。

霸氣二:寸爆港鐵故障

港鐵故障頻密,而馬時亨喺台上講到:「港鐵其實好準時,係間唔中有延誤,冇辦法啦,機器就係機器。」呢個時候阿姐插咀:「咁要多啲維修先得㗎!」馬時亨就即刻解釋:「我哋每日都有維修㗎。」

▲阿姐呢個建議最有用!

霸氣三:叫港鐵減價

港鐵票價每年都有加冇減,搞到市民叫苦連天,連阿姐都覺得車費貴,更直言叫馬時亨考慮下減價,對方聽完之後即刻大讚:「哎呀!完全同意!完全同意!」喂,咁你同意完要做先得㗎?結果講音未落,就俾阿姐再寸:「我嚟就係俾意見你,唔係你請我嚟做咩?我都費時嘥時間。」嘩,呢下真係夠晒霸氣!

▲阿姐係全國政協,要俾返啲面子嘅。

成場show,馬時亨俾阿姐「完爆」,臨完場仲要俾阿姐潤一潤:「你依家有冇後悔請我嚟?」馬時亨當時耍手擰頭:「冇冇冇冇冇,好開心請到你嚟。」重要說話要重覆3次,馬時亨重覆咗成4-5次「冇」,睇嚟呢個「冇」字,係成句說話嘅重中之重啦,話晒人哋都係全國政協委員之一喎。

呢次,阿姐完勝呀!


#汪明荃#阿姐#港鐵#mtr#馬時亨#加價#減價#TakeItE時#即時

相關文章
汪明荃 不言休
選委有乜嘢講?佢哋又會選邊個?
帳戶停權上微博求助 汪明荃被寸:愛國唔好用Facebook
汪阿姐貼舊相懷念 佢哋都做過亞視?
無綫為救收視用舊將 網民:平均年齡係咪50歲

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x