食客轟餐廳兩隻煎蛋收$30 老闆娘:嘗試聯絡事主

Wed Jan 25 2017 17:20:09 GMT+0800 (中國標準時間)

撰文︰Take it e時

究竟一隻煎蛋要幾錢呢?最近,有網友就喺facebook上載一張單據,佢指工人姐姐帶自己仔女去餐廳食飯嘅時候,疑似俾人呃「間店蝦姐姐唔識中文,叫兩雙煎蛋,收30元」網友表示兜得咁樣做生意係唔啱,所以要唱衰佢!不過網民嘅反應就好兩極化,有人認為加埋其他成本,叫呢個價唔算係啲咩,不過有人就認為咁樣做生意手法唔好,有詐騙成份!

▲有網友上載一張單據,指工人姐姐去餐廳食飯嘅時候疑似俾人呃。

▲該網友對呢件事好反感,話要唱衰佢!

▲有網民當然撐佢,指咁嘅價錢太貴!

▲不過有人認為加埋其他開支成本等,收呢個價錢算合理。

不過個矛盾位就嚟啦,因為樓主開post嘅時候係打「兩雙煎蛋」,不過事後佢就指係兩隻蛋收$30,問過工人姐姐都係只係嚟咗兩隻蛋,即係一隻蛋收咗佢$15!

▲樓主更正係兩隻蛋收$30!

▲仲話工人姐姐都係咁講!

▲樓主仲話一間普通茶餐廳點解會收咁貴。

▲有人打咗去問,餐廳指根本冇可能會收咁貴!

而我哋亦有打去問涉事餐廳,餐廳老闆娘溫小姐就指餐廳食物價錢都好大眾化,今次事件只係因為有員工剛入職而引起誤會。「我哋仲查緊件事,不過知道係有新嚟員工打錯價錢,平時加蛋只需要$5、$6,要$30根本冇可能!」而且溫小姐指當佢哋了解清楚件事後,有可能會聯絡返事主,睇下作出啲咩嘅補救方法!

圖片:大埔group
二手市場淘寶站group


#食客#轟#餐廳#兩隻#煎蛋#$30#老闆娘#嘗試#聯絡#事主#e分鐘

相關文章
揉麵加跳舞係咩玩法? 拉麵哥:只為吸引食客幫襯
不滿倒瀉水被濺中 極品港女報警驗傷兼要求賠錢
香港首位特首公職行為失當被判罪成
狂轟司機唔停車 網民教拍片者乘客三大守則
用條鏈嚟俾車錢? 的士司機怒轟乘客:報警呀!

推介文章
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
老公囝囝溫馨炮製 謝安琪秘錄新歌賀女滿月
星星美食旅客 - 有牛有高潮
真我個性 龐卓欣
1O1O呈獻:星星美食旅客 -亞洲極速車手遇上牛肉超人
千嬅瞞老公着護士服牀戰 丁子高嬲爆離家
1O1O呈獻:星星美食旅客 -拜見壽司之父
按此閱讀臉書精彩內容

熱爆e+up


載入中…
x