香港人食慣「免費午餐」? 聞收費即變臉:不了

Fri Apr 14 2017 21:39:44 GMT+0800 (中國標準時間)

所謂做慣乞兒懶做官,當一樣嘢經常可以「不勞而獲」,突然間要「向你收錢」,可能你都會卻步,究竟俾唔俾好?有人會支持,覺得8蚊好閒;亦有人會視乎情況,覺得好就會俾;亦有人見到要收錢就「不了」。

睇片要俾8蚊 網民:憑咩收錢?

最近網絡拍片團隊Bomba決定向用戶徵收8蚊「睇片費」,如果想睇片就要俾錢,免費睇片已經唔存在,結果有部份網民插爆。有網民表示,不滿係因為Bomba拍片質素參差,「8蚊」俾唔落手;亦有網民表示其他比Bomba更高質嘅團隊都未收錢,憑咩可以「要求」睇片收錢,認為「睇少你哋啲片唔會死,收錢即unfollow」。當然有中立網民認為,創作人都要搵食,唔通下下都免費午餐咩,唔啱可以唔俾,唔會強求。

▲8蚊抵唔抵見仁見智。

網絡作家于日晨:冇收入連飯都冇得開,何來創作?

Bomba亦就事件作出回應,指收費計劃目的,係提升拍片質素,有多啲資金先可以拍到更高質素嘅影片。網絡作家于日晨亦聲援Bomba,表示「創作人都要搵食」,又指香港人已經習慣咗「免費」。

歌要免費、戲要免費、球賽要免費、AV要免費,創作都要免費。唔知由幾時開始,俾錢嗰班會俾人笑傻仔,傻仔先買碟、傻仔先會join月費計劃、傻仔先俾錢睇創意嘢。

▲香港人太習慣唔使錢。

Whatsapp曾要求收費8蚊遭捱轟

由免費要轉收費,Bomba唔係先例,幾乎全球使用嘅通訊程式「Whatsapp」,曾經向用戶徵收每年8蚊「代付費」,結果引發排山倒海討論,好多用戶炮轟無理收費,甚至罷用「Whatsapp」。有支持收費用戶曾以郵差比喻:

從前有一位郵差非常能幹,每天可以處理1億封郵件,他就連沒有郵票的信也會安全地送到目的地。有一天,他發現了沒有郵票的信太多令他無法維持生計,決定從不貼郵票的人只要每年貼一張$8的郵票,就繼續幫他派信。但從不貼郵票的人竟然罵他無良、好過份、賤! 這合理嗎??

▲最終whatsapp決定唔收費。

人食慣免費午餐,就難以接受要俾錢食午餐,背後團隊唔收錢,但運行落去都要有資金支撐,如果一樣免費嘢突然要收,你又會唔會支持?


#free#免費#收費#收錢#創作#TakeItE時#熱話

相關文章
LINE Friends x innisfree 賣萌妝物
果迷排通宵為免費耳機 網上開賣12分鐘已售罄
女神Vivi試玩樂富鬼屋 免費冧到你死
無綫「免費」請樂手出慈善騷 樂團:係尊嚴的問題   
車主必裝泊食易app 領展商場泊車位預先check

推介文章
汪明荃 不言休
1O1O呈獻:星星美食旅客 -食日本好「西」
老公囝囝溫馨炮製 謝安琪秘錄新歌賀女滿月
星星美食旅客 - 有牛有高潮
真我個性 龐卓欣
1O1O呈獻:星星美食旅客 -亞洲極速車手遇上牛肉超人
千嬅瞞老公着護士服牀戰 丁子高嬲爆離家
1O1O呈獻:星星美食旅客 -拜見壽司之父
電影世界中的香港 檢閱《攻殼機動隊》6大取景位
白只 不一樣的平凡
李錦聯孖助手 買魚撐枱腳
1O1O呈獻:極上VR放題 目黑搵蝦釣
按此閱讀臉書精彩內容

熱爆e+up


載入中…
x