【香港奇談】猛鬼地標系列 灣仔星街紅布

Sun May 01 2016 19:02:48 GMT+0800

撰文︰Take It e時

先旨聲明,塊紅布去年已經被消失,所以你再去星街,都搵唔到塊咁奇特嘅紅布,但係紅布嘅傳說曾經係灣仔嘅經典鬼故,講真吖,你行過街,見到一條小巷,前面係一座土地公,上面一塊紅布,紅布後面係歷史悠久嘅防空洞……呢啲地方唔傳出鬼故就有假喇!

▲紅布下,防空洞前係一個土地公公神位。

防空洞傳說

話說又係打仗時期,日軍打到嚟,喺1941年12月嘅保衛戰中,好多居民都湧入防空洞避難,可惜日軍炮障轟炸防空洞,炸死咗好多人。冇錯,有人死,就有鬼故事,所以鬼故事係無所不在。而且唔知大家覺唔覺,香港啲猛鬼景點有一半都同日軍侵華有關!

▲紅布後堅係有一個防空洞。

▲你夠膽入去影幅相,我送你一期《e+娛樂》!(講笑啫)

鬼故事:飛頭

自從咁大死傷之後,嗰條街嘅民居成日都門鈴聲四起,仲話日、月、星街經常有死人頭周圍飛,而呢個防空洞亦有如鬼門關一樣,有好多鬼怪異物出沒,於是就有人安置土地公喺嗰度,鎮懾邪靈,再加埋塊紅布,遮住個防空洞,應該鎮得住~~啩……亦有傳喺1996年大佛口入面嘅星街居民,聽到有人拍門,見到出面一大埋爛身爛勢嘅人喺度爬下爬下,狀甚痛苦,後尾問返鄰居,原來好多人都有相同遭遇,仲話紅布後面嘅防空洞道門曾經開咗,連土地公都失蹤埋,唔…….有冇咁猛呀!

▲有網民話有司機見過土地公零晨時分喺紅布下面行,不過會唔會係見到啲晨運阿伯咋!

▲灣仔一帶都有唔少防空洞。

唔知點解,呢塊紅布早前已經被拆,去年亦有網民喺討論區發帖,話驚紅布拆去後會有大事發生。唔......諗落,過咗咁多年,會啲會啲鬼怪可能都投晒胎呢?哎呀~我亂講㗎咋!有怪莫怪!

圖片來源: we share LJ blog

#香港奇談#灣仔#星街#猛鬼#熱話#TakeItE時

相關文章
【香港奇談】猛鬼地標系列 元朗屏山達德小學
【香港奇談】西貢百慕達 行山行到永遠失蹤?
【香港奇談】猛鬼地標系列 上水警署人頭骨
評選香港三大靈異地區 第三集:銅鑼灣
評選香港三大靈異地區 第一集:華富邨

推介文章
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
按此閱讀臉書精彩內容

熱爆e+up


載入中…
x