香港運動員冇份點聖火 市民不滿:尊重何在?

Wed Apr 26 2017 08:00:32 GMT+0800 (中國標準時間)

撰文︰Take it e時

香港運動員地位有幾重要?可能一張相已經完美解釋。星期日(23號),香港舉行第六屆全港運動會舉行開幕儀式,曾直言「體育冇經濟貢獻」嘅特首梁振英及民政事務局局長劉江華擔任主禮嘉賓,而出席嘅精英運動員包括李慧詩、伍家朗、歐鎧淳、葉姵延、姚潔貞、胡兆康等等,當中亦有運動員燃點聖火嘅重要時刻,港運會聖火由香港運動員燃點係理所當然吧?但偏偏呢個環節最後由中國國家隊運動員負責,因此認為大會忽略香港運動員嘅存在。

▲網民不滿聖火唔係由香港運動員負責。

網友喺社交平台撰文怒斥大會無視香港運動員嘅存在,事關運動會最具代表性嘅聖火燃點儀式,竟然交由中國國家隊成員負責。雖然網民指第六屆港運會係慶祝香港回歸20周年大型活動之一,邀請國家隊運動員來港支持盛事乃「合情合理」,但冇理由唔係由香港運動員負責最重要部份。

「全港運動會」五字道來鏘鏘啷啷,擲地有聲,偏偏運動會最具代表性的聖火燃點儀式卻不讓本港運動員負責。可恨的是,在香港體育館,今天這樣一個屬於香港人的體育舞台上,大會卻根本瞧不見我們的運動員。

▲聖火由中國國家跳水隊成員陳若琳及林躍負責。

雖然有唔少精英運動員出席開幕儀式,亦有閒談及分享環節,但運動員分享時間卻少之有少,經常被司儀「圈」離場。

牛下女車神李慧詩與里奧長氣袋姚潔貞上台不過一分鐘,話未停口,大台司儀便急急請二人離台。女飛魚歐鎧淳與保齡球王子胡兆康上台分享了,才60秒也不過,司儀又是讓二人靠一邊站了

▲李慧詩(右)及伍家朗(左)只擔任火炬手。

由於儀式喺電視台有直播係爭分奪秒,但網友指因請咗鄭俊弘及胡鴻鈞嚟唱歌比賽,結果將時間俾晒佢哋唱歌,認為成個感覺好台慶。

大台明星鄭俊泓演唱完《紅日》、胡鴻鈞演唱完《強》,兩人還來個合唱《壯志驕陽 》呢。這還不算,這邊廂演唱幾曲後,相隔不到半小時,鄭與胡這兩位明星又再次登場了,鄭這次演唱他的《 地盡頭強》,胡鴻鈞演唱他的《情人自擾》。完場後,收到朋友的短訊:「看港運開幕直播,以為是在看台慶。

網友撰文原意,係替香港運動員不值,認為近年香港人喺各方面都能創造佳績,但偏偏連少少尊重都冇。

過去一年很多香港運動員取得很好成績。李慧詩係奧運比賽中 ,炒車後都堅持負傷繼續比賽,落敗後還向港人致歉。吳安儀1個月內於4場桌球大賽中封后成四料冠軍。曹星如打到眼腫鼻腫取得21連勝 ,重有很多香港運動員都付出多汗水與淚水 。

來源:Tony Wong

#港運會#聖火#中國#中國國家隊#香港#香港運動員#TakeItE時

相關文章
無綫派阿叻任火炬手被狂插 黃秋生:蜀中無大將
為讓座機組人員犧牲乘客 華裔醫生慘被強行拖落機
馬鐵新列車勁大陣臭味? 乘客:難頂到想嘔
總理李克強肯定梁振英及特區工作
【荒謬劇場】霧霾異煞:中國(The Mist 2:China)

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x