馬壯角色深入民心 黎諾懿:連老婆都俾人叫做馬太

Thu Feb 09 2017 16:29:39 GMT+0800 (中國標準時間)

撰文︰Take it e時

《愛‧回家》經常以「不死」姿態出現,但取代「馬家」嘅角色偏偏唔深入民心,結果都係要搵返極受網民歡迎嘅馬家返嚟救駕。雖然依家冇《愛‧回家》,但馬家卻用另一個方式回歸,最近由馬家一家人擔正嘅飲食節目《馬家開飯》喺星期六播出,由屋企食到去街外,介紹不同地方好嘢食。尋日幾位馬家成員及有份演出嘅演員出席《馬家開飯》記者會,長輩級嘅丹爺未有出席,但佢個仔「馬壯」有出席已經夠壓場啦!

▲大部份《愛‧回家》嘅主要角色都有出席。

▲馬壯絕對係黎諾懿嘅代表角色。

作為「最接近神嘅男人」嘅馬壯,喺劇中同尹德如(朱慧敏飾)嘅愛情似完未完,但現實中,黎諾懿同老婆愛得溫馨,而且即將迎接新生命誕生,成為人父,當然要落力啲搵奶粉錢。對於要化身馬壯撐起成套《馬家開飯》,黎諾懿表示已經兩年冇出現過,但因為呢個角色好搞笑好多嘢講,搞到講嘢講到好攰。不過佢都好享受做馬壯呢個角色,仲話出街真係有人叫佢做「馬生」㖭,你話馬壯呢個角色幾受歡迎!

本來以為馬壯從此消失,但依家喺街啲人都仲叫我做馬生,甚至叫我老婆做馬太。

▲作為最接近神嘅男人,都要經歷失戀之痛。

點解馬壯角色咁受歡迎,其實有原因嘅,最主要如黎諾懿所講,馬壯份人搞笑又多嘢講,自大幽默得嚟又有感性一面,好似同尹德如嘅愛情故事,令觀眾睇得投入又有共嗚,當晚結局更加安排二人喺車站相遇㖭。

▲唔止馬家,成套劇嘅其他主線一樣好睇。

除咗馬壯之後,其他角色同樣受歡迎,譬如霞姐同嚴律師呢pair甜到漏嘅戀人、馬子仁、思思、木偶哥呢個三角戀關係、kc同Terry呢對搞鬼組合,甚至後期加入嘅BB女「馬家好」同樣受歡迎,雖然過去「馬家」曾被批背景過份離地,但當中小品故事卻係令人睇到津津有味,所以話「馬家不死」的確係有原因嘅,相信觀眾都唔介意繼續睇呢個既溫馨又搞笑嘅家庭組合!


#愛回家#馬壯#馬家#馬家開飯#黎諾懿#最接近神嘅男人#e分鐘

相關文章
曾是男主角  歐瑞偉
時間的考驗 黎諾懿
「愛回家」齊賀嚴謹做老竇 張達倫:依家唔使催啦
演親劇都死老婆 細數劉丹「喪妻」悲慘命運
處境劇無限Loop? 無綫擬開拍《愛‧回家之開心速遞》

推介文章
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
按此閱讀臉書精彩內容

熱爆e+up


載入中…
x