高登50路美魔女大選 唐安麒撼赢周慧敏劉嘉玲

Fri Jul 27 2018 20:08:55 GMT+0800 (香港標準時間)

女人當然想自己睇落去後生過真實年齡,有唔少女藝人好似食咗防腐劑咁,唔單止愈嚟愈靚,仲好有女人味,好似羅霖幾年前就出埋寫真,喺寫真界殺個片甲不留。而51歲嘅溫碧霞今年年頭,就去到塞班島影寫真,一樣咁索。面對一眾美魔女嘅攻勢,高登一眾巴打搞咗個「高登50路美魔女大選」,十強名單已經火辣出爐,冠軍係今年50歲嘅86年港姐亞軍吳婉芳,特別嘅係,而瘦身教主唐安麒打底周慧敏、劉嘉玲等美魔女攞第四,厲害!

第10名:周慧敏(40分)

「玉女掌門人」周慧敏唔經唔覺已經50歲,但台上台下都依然好靚,今年年初,佢仲開咗四場《一萬天荒愛未老‧周慧敏30週年演唱會》,啲回憶返晒嚟。

第9名:劉嘉玲(48分)

52歲嘅劉嘉玲係香港著名女演員,除咗係美魔女之外,仲拎過香港電影金像獎丶中國金雞百花電影節、法國南特三大洲電影節、大阪亞洲電影節嘅最佳女主角,非常厲害。

第8名:邵美琪(52分)

53歲嘅邵美琪喺香港知名女演員,亦係TVB 喺80年代未至90年代中力棒嘅當家花旦,依家主要接拍電影同TVB 劇集,一樣咁索。

第7名:溫碧霞(80分)

51歲嘅溫碧霞係出名嘅「性感美女」,佢喺《火玫瑰》飾演海潮,其跌膊海潮look深入民心,佢亦係香港女演員同歌手,今年6月於旺角麥花臣場館舉行《溫碧霞海潮演唱會2018》。

第6名:李偲嫣 (88分)

53歲、被網民暱稱為李私煙嘅李偲嫣,係香港知名激進建制派社運人士,今年5月同香港專業進修學校副總監(國際教育)謝鋮浚結婚,偲嫣BB曾經以校服look上演政治話劇,引起網民熱烈討論。

第5名:麥玲玲(92分)

52歲嘅麥玲玲係香港著名堪輿學家,被媒體稱為香港首屈一指的「玄學天后」。現時為無綫電視基本藝人合約藝員,不時客串劇集演出。