黎耀祥毛舜筠「世紀之吻」 重溫處境劇當年情

Wed Nov 16 2016 16:20:00 GMT+0800 (中國標準時間)

撰文︰Take it e時

前日黎耀祥喺《愛‧回家之八時入席》入面壁咚毛舜筠激吻嘅一幕,令好多網民受到唔少震撼。除咗因為呢兩位前輩級演員嘅歲數加埋都成百幾歲,亦都因為佢哋真係嘴得太激情,令唔少「純情小寶寶」接受唔到!

▲呢幕壁咚真係好震撼!

呢一吻咁大迴響,黎耀祥接受訪問時就話都係好事,又指只係借位拍攝冇真錫:「大家都明,呢個歲數仲熱吻好肉麻,所以一埋位就Cut機」。不過其實黎耀祥同毛舜筠之前都喺處境劇飾演過歡喜冤家,今次合作再度成功製造話題,證明觀眾都有留意佢哋!而佢哋演過咁多對,你又最鍾意邊一對呢?

余家昇、殷賞《畢打自己人》(2008年)

劇集以雜誌社嘅辦公室日常為背景,毛舜筠飾演雜誌總編殷賞,黎耀祥飾演前《潮》社長,兩個人擦出愛火花,最尾仲要成為名正言順嘅「兩公婆」!係人氣幾高嘅一對。

▲兩公婆示範咩叫「紅都面晒」!

明世安、井喬《天天天晴》(2010年)

毛舜筠繼續做女強人,飾演首席珠寶設計師,黎耀祥就做顧問醫生。兩個人由初戀情人到變成鬥氣冤家,最後做埋夫婦,感情一步步加深,睇到人重拾戀愛感覺。呢一對嘅愛情線特別豐富~

▲呢一對示範咗咩叫細水長流嘅愛情。

邦主、細姐《愛‧回家之八時入席》(2016年)

今次黎耀祥飾演電視台監製,而毛舜筠就飾演飲食節目主持,做主持之前仲係黎耀祥嘅秘書。老細同秘書呢種配搭,本來就容易引起遐想,依家仲要玩埋壁咚激吻,呢一對絕對係最激情嘅一對!

▲嘴得咁激,今次真係輪到觀眾睇到面紅。

▲黎耀祥毛舜筠演歡喜冤家,好多人都係鍾意佢哋夠自然夠真。

▲之前其實都「嘴過」,不過無今日咁激……

圖片來源:TVB

#黎耀祥#毛舜筠#當年情#處境劇#熱吻#愛情#TakeItE時#熱話

相關文章
坐擁三架車 黎耀祥仔戴12萬金勞拍拖
黎耀祥自爆同阿Kay唱粵曲
一日播黎耀祥三套劇 網民:佢真係咁好睇咩?
處境劇無限Loop? 無綫擬開拍《愛‧回家之開心速遞》
其實唔好笑? 黎耀祥點心紙忍笑測試

推介文章
談談情 說說性 董敏莉
LEGO首創VR過山車 今日有得玩
狗年戀事驚人預測 王菲終嫁霆鋒 陳嘉倩BB竟然……
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
按此閱讀臉書精彩內容

熱爆e+up


載入中…
x