點止靚足10年? 35歲唐寧《蘭花劫》仙氣現身 

Wed May 31 2017 12:28:09 GMT+0800 (中國標準時間)

撰文︰Take it e時

10年前嘅倉底貨《蘭花劫》,喺星期一正式播出街,尋時播咗兩集,好唔好睇就言之尚早,不過劇情都算推進得快,一開始已經可以睇到田蕊妮同蘇玉華大鬥法,觀眾都覺得「ok喇」,不過觀眾對畫質就有啲評價,冇計啦,10年前都未有高清,拍攝方法係唔同啲㗎啦,但勝在一班凍齡女演員搭救!除咗阿田、蘇玉華、陳自瑤等等「凍齡靚女」之外,觀眾期待已久嘅另一位「凍齡靚女」唐寧,尋日亦終於出現喇!

▲呢啲叫仙氣!

尋日唐寧喺劇嘅尾聲以教化官身份登場,雖然暫時亮相時間好短,但短短幾分鐘已經好吸睛,梗係啦!10年前唐寧個樣又童顏又靚女,嗰陣嘅唐寧只不過係25歲咋!你睇佢甜絲絲咁笑個樣,有冇將你溶化?你可能冇,但一班網民就話「鳴呀,好正呀!」最厲害嘅係,10年後已為人妻兼人母嘅唐寧,同當年相比幾乎冇變過,都仲係咁靚女!你話網民有冇辦法唔「鳴呀」?

▲點止靚足十年?

其實童星出身嘅唐寧,由細到大都係一位靚女,當年《縱橫四海》入面飾演幼年紅豆、同埋喺《Beyond日記之莫欺少年窮》入面飾演家駒妹妹麗娜(唐寧真名),已經為人熟悉,後嚟大個咗喺無綫拍劇,唔少角色都深入民心,例如《戀愛自由式》入面飾演陳文媛嘅野蠻細妹游穎、《天涯俠醫》入面嘅夏曉晴、《繾綣仙凡間》嘅宋紫衣,而最深得網民喜愛嘅,一定係《大唐雙龍傳》入面嘅師妃暄!真係古裝定時裝,男仔頭定長頭髮,唐寧都係咁有韻味,難怪網民咁like佢啦!

圖片來源:唐寧

#唐寧#蘭花劫#凍齡#後生#TVB#仙氣#e分鐘

相關文章
老婆、舊愛齊演《蘭花刼》 傳唐寧老公當年有小三飛蘇玉華
踢唐寧秘交新歡致離婚 老公鄧偉傑:你問佢啦
35歲keep住「童顏」 唐寧變凍齡女王
邊套最經典? 無綫重拍《十兄弟》搵張曦雯做靚媽
熱辣辣唔想留長髮? 四個短髮Icon女神

推介文章
【孖你做瑜伽】瑜伽幫你輕鬆減壓(下)
愛家的男人 黃浩然
放蛇試明星麵 麥包小儀慘敗 牛雜妹完勝
包無投訴 粉紅餐廳
彈弓吊索健身 蘇慧恩飛天收腰
【余此好味】富貴滋補 葱油涼拌蟲草花
【跟住爸爸食麻神】台灣過江龍麻神 開門七件事
祖藍大讚神秘女歌手 原來係杜麗莎大女
【跟住爸爸食麻神】黃浩教路食乜最好
皮膚又痕又乾 中醫教食無花果
燈影蓮藕 伴香煎北海道帶子皇
新咪神黃文意 VR健身練馬甲線
按此閱讀臉書精彩內容

熱爆e+up


載入中…
x