11年食遍53國麥記 加國男:香港足三兩最難食

Sun Feb 28 2016 12:30:17 GMT+0800 (中國標準時間)

撰文︰Take it e時

喺香港,唔少人其實唔中意食麥當勞,喺佢哋眼中麥記係一種劣食,除非諗唔到食乜,又冇咩錢嘅時候,先會考慮食個超值套餐醫肚。不過,喺加拿大就有一位麥當勞超級粉絲,鍾意食麥當勞之餘,仲會周遊列國,嘗試唔同地方嘅麥當勞餐,甚至開埋blog分享每餐食評㖭!

▲James去過嘅麥當勞遍佈全球。

呢位麥當勞超級粉絲叫James,今年28歲,任職Software工程師,不時要飛往外地工作,麥當勞快餐店可以話係佢最常去嘅地方。過去11年,佢踏足過53個國家,寫超過300次麥當勞食評,無論係歐洲定亞洲,法國定日本,幾乎每個地方嘅麥當勞佢都試過,甚至香港麥當勞都有佢嘅足跡,不過佢似乎就唔多中意食囉。

▲能夠形容為地球上最難食嘅食物,可想而知有幾難食。

2015年11月嗰陣,香港麥當勞推出一款新包名叫「惹火夏威夷足三両」,James都有試過,但佢嘅評價竟然係Fail,甚至以「most disgusting food on the planet」形容呢個包。

唔好食原因:

一)

因為個包係佢妹夫從香港帶去曼谷俾佢試食,但因為時間問題而令到個包唔好食;

二)

James認為就算個包冇變,都係唔好食,因為睇賣相同埋餡料已經出咗事,仲話用太多蛋黃醬掩飾唔好食㖭。

▲睇賣相又真係一啲都唔吸引。

有次James路經香港,希望再試多次個包係咪真係咁難食,但可惜過咗推廣時間,冇機會再食。不過James又冇乜失望,事關佢表示已經唔係第一次喺香港食過咁難食嘅包,所以食唔到都冇咩所謂,反正唔會再食咁話喎。

▲香港嘅經歷令James不堪回首,表示未必會再試香港新包。

▲James其實食得好健康。

唔少人以為,經常食麥當勞嘅James會好肥、好唔健康,但你錯喇,本身已經瘦底嘅James愈食愈瘦,因為佢每次食親都唔會叫煎炸食物,而且佢唔係每一餐都食麥當勞,純粹有機會先食,所以其實食麥當勞都唔一定唔健康,關鍵在於你點食囉。

▲唔使理人哋嘅,自己中意做咪得囉!

2011年先開始寫blog,時至今日,James寫咗300幾篇食評,都算係近期網絡紅人,不過就有網友嘲笑James,將時間同精神浪費喺麥當勞身上,係一個智障行為。但樂觀嘅James表示:「我鍾意寫,大家又鍾意睇。」更好幽默咁講:「我點食都唔肥,邊個做到?」係囉,唔使理人哋嘅,自己中意做咪得囉!

各國麥當勞食品:

▲泰國嘅麥趣飯?比香港高質好多囉...

▲James最鍾意斯里蘭卡嘅麥當勞。

▲斯里蘭卡嘅麥趣飯。

▲隔離飯係香啲嘅。

▲台灣小丸子?

▲James覺得日本薯條混朱古力好特別。

▲紐西蘭嘅包,好似好好味。

▲新加坡嘅飲品令James難忘。

資料來源:daily mail、Travelling McD's
https://twitter.com/TravellingMcDs


#james#麥當勞#麥記#香港#足三兩#Travelling#McD's#惹火夏威夷足三両#劣食#美食#熱話#TakeItE時

相關文章
搶先帶你試食全新「鋒味洋蔥吉列豬扒飽」!
【陳奕迅好識教女】14歲康堤去街 全日只用$31.5
【Wee Chat第5集】(完)帶囡囡坐公車食大牌檔 黃浩:佢哋要幫手做家務
點解麥當勞收銀阿姐 笑陳豪重男輕女?
點餐竟變單點計算 目擊者:職員同伯伯講冇餐叫

推介文章
【3個月減30磅】姜皓文佬味濃 行街Chok爆
【何家最索千金】超蓮做老闆心掛掛 行街都要返去望一望
張智霖係完美老公 變身異性絕緣體
【男友係集團餐廳老闆】「天嬌」入屋繼續搏殺 譚凱琪唔做豬年新娘
戴口罩微服出巡濕平買餸 馬浚偉同人撐枱腳?
【一家超幸福】當年拍拖不被睇好 一條片證蔡少芬冇嫁錯張晉
應采兒着鬆身衫孖囝囝睇醫生 陳小春IG暗示有多個B?