2016娛圈八大好人選舉(2)

Wed Dec 21 2016 18:19:39 GMT+0800 (中國標準時間)

▲今次好人選舉有八位候選人,其中四位分別是黎明、羅蘭、胡楓、鄭秀文

娛樂圈雖然有好多賤人,但其實都有唔少好人。有啲低調行善,有啲好提攜後輩,有啲大量包容。我哋就喺年尾做個大結算,舉辦「2016娛圈八大好人選舉」,以下八位本地娛圈藝人都係公認嘅娛圈好人,唔知你又點揀呢?

黎明

黎明今年開騷時,因發現物料出現問題令頭場開唔成,佢立即承認責任兼同全世界道歉,呢個行為已經睇得出佢係一個好男人。Leon亦堪稱圈中最仗義疏財藝人之一,佢講過:「錢解決到問題就唔係問題!」今年6月九龍灣迷你倉發生四級火,高級消防隊長張耀升同消防隊目許志傑殉職。之後青葵公發生奪命車禍,拆散兩個家庭,死者遺下妻子及兩名女兒,Leon用匿名人士方式,捐50萬去報章慈善基金幫助上述家庭。捐錢都唔話俾人知,值得敬仰。

▲Leon唔係只係識爆金句,佢對身邊嘅人同fans都好好,充滿正能量!

羅蘭

羅蘭姐除咗好有觀眾緣,所有同佢合作過嘅藝人都話佢冇架子,兼且對人好好。黃子華都曾經講過,喺佢最失意唔紅嘅時候,得羅蘭姐會叫佢「子華哥」,難怪羅蘭姐咁受人敬重。

▲羅蘭姐對人有禮,又係虔誠教徒。

胡楓

女有羅蘭姐,男就有修哥。胡楓入行多年來都受台前幕後人員尊敬。呢行入面又廣結人緣,真係好好先生一名。愛妻嘅修哥,即使今年老婆離世,佢都好快收拾心情開工,敬業樂業。早前萬千星輝頒獎典禮,佢叫粉絲唔好投佢票,要投俾後生仔,希望後輩可以上位,真係唔話得。

▲修哥錫老婆,多年來敬業樂業,難怪有唔少名人契仔愛護。

鄭秀文

Sammi自從信咗主之後,已經冇以前嘅大脾氣,近年仲積極行善,好似今年就有捐書。而今年Sammi開騷聲沙,佢都非常自責話俾唔到Good Show大家,仲話唔介意大家退飛,對fans負責任。

▲Sammi貴為天后,平時低調行善,今年就試過捐書行善。

周潤發

周潤發(發哥)應該係娛圈最貼地嘅男神,次次出街,市民都會爭相搵佢集郵,發哥永無托手踭。佢一啲架子都冇,即使好有錢都係搭地鐵巴士出街,夠晒親民,好人到痺。

▲發哥出晒名nice,個個見到佢都會搵佢集郵。

劉德華

劉德華喺娛樂圈口碑公認好,除咗對自己嘅粉絲好之外,佢仲提攜唔少後輩。今年無綫頒獎禮拎咗「飛躍進步男藝員」獎嘅張穎康,都公開高調多謝劉華俾機會自己,就知華仔幾受人愛戴。

▲華仔好愛fans,又愛老婆同囡囡,係個絕世好男人。

劉錫明

劉錫明喺九十年代昔日小生,可惜因為講過對周慧敏有好感,即被倪震玩封殺,仲被封為「毒瘤明」,搞到要去台灣發展。今年劉錫明重返香港出席「《YES!》25週年演唱會」,佢接受訪問時談到與倪震恩怨,只說:「我都年少氣盛啦,但我自問係冇隔夜仇。我反正身體OKay,仲未有惡性腫瘤。」又指:「何必要介懷,人生仲有好多重要事。」劉錫明大量包容,又愛家人,係真正好男人!

▲劉錫明今年重返香港出席「《YES!》25週年演唱會」,佢接受訪問時被問及與倪震恩怨時,只說:「我自問係冇隔夜仇。」超大量。

余慕蓮

余慕蓮永遠做一啲小人物、垃圾婆嘅角色,不過小人物其實先係最值得致敬,佢曾經捐錢幫內地山區貧苦學生興建學校,直到今年都仲有做義工,心地好自然人都美麗。

▲余慕蓮起埋學校俾內地山區窮學生,人美心更美。

圖片來源:網絡及e+娛樂圖片資料庫

#e+娛樂#娛樂#熱話#好人#周潤發#劉德華#劉錫明#余慕蓮#黎明#羅蘭#胡楓#鄭秀文
相關文章
【方健儀主持(一)】從紙媒到網媒 黃浩點樣定位?
雞年 麥玲玲:犯太歲身體差事業好 張芯熏:財運平平無橫財
華仔明日交代病況 阿倫探病 爆一笑就痛
e衫評 黃翠如似黃面婆 朱智賢撞色好睇
狗年 麥玲玲:害太歲桃花多 張芯熏:財運麻麻開源為上
推介文章
開心快活人
劉華墮馬盆骨重創 朱麗倩緊張爆喊
【密密食小隊】 足料爆餡大水餃 兩小時刺身火鍋放題
愛老婆會發達
【跟住爸爸去福島】下世要做豬
獨家 王菲霆鋒秘密愛巢曝光
殺出個未來 朱咪咪
唐詩詠痴心錯付 洪永城冧理財女神10年
用愛關懷流浪動物 以暫養為貓狗建立溫暖家庭
有愛就有幸福 四隻開心貓咪的故事
最新郵輪海上zip line 飛越汪洋
台北私家露天溫泉 浸獨家原湯
按此閱讀臉書精彩內容

熱爆e+up


載入中…