2016網投娛圈十大賤人選舉(1)

Tue Dec 27 2016 12:35:00 GMT+0800 (中國標準時間)

撰文︰Take it e時

娛樂圈今年都傳出過唔少「偷食」事件,而事件中嘅主角往往又會被網民鬧,甚至被指為「賤人」。趁住年尾不如都做個回顧,舉辦「2016網投娛圈十大賤人選舉」,以下十位本地娛圈藝人都捲入過偷食風雲,你又覺得邊個最衰呢?

周永恆

藏毒、醉酒毀壞公物、婚外情、打老婆……周永恒因為呢啲負面事件,早就被網民冠以「世紀賤男」之稱。2016年佢搭上新歡黃芊詠,點知負面新聞仲係繼續嚟,除咗多次傳出感情糾紛,女方更大爆被周永恒打,結果自然係分手收場啦。打人、偷食,幾乎每段感情都傳出呢類新聞,又好難怪俾人話係賤男喎!

▲世上冇咩嘢係永恆嘅,但周永恒嘅「世紀賤男」之稱,似乎仲要跟佢好耐。

李潤庭

平時做主持嘅形象陽光兼正氣,點知背地原來不時瞞住空姐老婆Crystal偷食,唔單止趁老婆出差嘅時候當街同二奶調情互摸,仲明目張膽到帶埋二奶返屋企。雖然已經俾公司即時「雪藏」,又開埋記者會鞠躬道歉,但李潤庭嘅賤男之名似乎都係難以洗脫喇。

▲唔使「東張西望」喇,咁樣偷食法,又好難怪人哋叫你做賤男嘅~

練海棠

同老婆伍詠薇結婚十幾年,一直都算係恩愛夫妻典範,點知俾傳媒影到佢背住老婆密會長髮大胸女郎,捲入偷食風雲。雖然經過伍詠薇大方回應同原諒之後,件事都低調咁告一段落,不過瞞住老婆偷食點都係衰㗎喇。

▲有個好老婆都要偷食,真係唔知點解……

崔建邦

偷食過唔知幾多次嘅崔建邦,今年又被揭疑似趁住女友唔喺香港、同林珊珊細女李怡喺飛鵝山密會。另一方面,佢亦被指再次使用暴力,用電話掟瘀女友Kelly隻手,搞到最後分手收場。傳嚟傳去都係偷食同打女友新聞,崔建邦究竟幾時先可以遠離呢類是非?

▲偷食完又偷食,偷食完又偷食,相信唔少人都聽到悶。

梁烈唯

俾網民鬧嘅梁烈唯唔係衰偷食,但就「食」咗唔少負評,皆因佢多次發表高調愛國言論,令唔少網民覺得係擦鞋博上位;而梁烈唯嘅反駁言論亦被網民認為係挑釁同埋寸嘅表現。你又覺得咁樣算唔算係衰「口賤」呢?

▲雖然受香港網民嫌棄,不過最近梁烈唯似乎頗得大陸網民歡心~


#偷食#娛樂圈#男女#感情#第三者#TakeItE時#熱話

相關文章
鄭俊弘被指瞞未婚妻偷食 何雁詩:佢好正直唔會呃人
2016網投娛圈十大賤人選舉(2)
偷食事件曝光 何韻詩、小三齊齊潛水
杜浚斌背妻偷食 前度文恩澄大鬧死性不改
老公偷食都唔驚? 皆因有種老婆叫伍詠薇

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x