2016網投娛圈十大賤人選舉(2)

Tue Dec 27 2016 12:35:00 GMT+0800 (中國標準時間)

撰文︰Take it e時

娛樂圈今年都傳出過唔少「偷食」事件,而事件中嘅主角往往又會被網民鬧,甚至被指為「賤人」。趁住年尾不如都做個回顧,舉辦「2016網投娛圈十大賤人選舉」,以下十位本地娛圈藝人都捲入過偷食風雲,你又覺得邊個最衰呢?

陳冠希

提到今年陳冠希最爆嘅事件,當然係喺社交網站怒鬧林志玲係「婊子」;不過如果講感情緋聞,佢今年五月被影到同大陸超模秦舒培撻著,都一樣咁爆。皆因秦舒培原來係人妻,秦舒培老公知道事件後都忍唔住話:「我還是選擇了學著豁達和忘記,實在無奈。」唉,遇上食家陳冠希,係幾無奈嘅。

▲叫陳冠希做食家,有冇人反對?

傅嘉莉

講到「識食」,一定唔可以唔提傅嘉莉。今年佢不停傳出緋聞,除咗多次被指成為人哋戀情嘅第三者,又傳出搭上富豪人夫「肥叔叔」Low Check Kian同已婚嘅法拉利代理莊天龍。連電視劇監製李添勝都叫佢「檢點啲」,希望下年傅嘉莉真係可以遠離呢啲新聞啦。

▲唔通人夫對傅嘉莉有特別嘅吸引力?

吳忠義

一直陪住患癌妻子司馬燕抗癌,吳忠義素來俾人好好先生嘅感覺。點知原來佢早就喺老婆患病時暗交內地女人孫君子(Summer),仲承諾喪妻之後會娶人過門,事件爆出之後即刻由「愛妻號」變成「賤男」。老婆離世後,吳忠義「光明正大」結識異性,今年接連爆出識到新女友,生活認真豐富呀!

▲唔怕生壞命,最怕改壞名。吳忠義真係「唔忠義」喇。

何韻詩

男人偷食聽得多,但女人一樣可能會捲入偷食疑雲。日前何韻詩被爆瞞住同性密友鄧九雲同女助手迦南密會,揸車去貝沙灣野餐、睇日落,令唔少粉絲同網民都相當震驚。偷食風雲牽涉嘅幾位當事人事後都「潛晒水」,事件究竟會發展成點?真係要睇下佢哋點樣澄清喇~

▲相信粉絲都希望偷食事件唔係真嘅……

杜浚斌

平時喺電台做主持幫聽眾解決感情問題,估唔到暗地裏居然背妻偷食,當街同情人十指緊扣行街街,仲要上埋女方屋企。結果被人踢爆偷食之後,杜浚斌喺Facebook自認婚姻有問題,今次算唔算「能醫不自醫」呢?

▲偷食點都係唔啱㗎喇~


#偷食#娛樂圈#男女#感情#第三者#TakeItE時#熱話

相關文章
鄭俊弘被指瞞未婚妻偷食 何雁詩:佢好正直唔會呃人
2016網投娛圈十大賤人選舉(1)
偷食事件曝光 何韻詩、小三齊齊潛水
杜浚斌背妻偷食 前度文恩澄大鬧死性不改
老公偷食都唔驚? 皆因有種老婆叫伍詠薇

推介文章
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
按此閱讀臉書精彩內容

熱爆e+up


載入中…
x