25年小店光榮告別 其昌文具老闆:提起街坊眼濕濕

Fri Jan 06 2017 15:27:49 GMT+0800 (中國標準時間)

撰文︰Take it e時

其昌文具店門外嘅「告別街坊」嘅字句,由58天、到46天、32天、20天、8天、可能嗰一刻你未必感受到嗰份難捨難離,直到尋晚倒數終於嚟到「最後1天」,你先知道有啲嘢已經走到盡頭。屹立喺大埔運頭塘邨25年嘅其昌文具因領展出售商場而被變相迫遷,尋晚就係小店最後一日,喺10數名街坊見證下,其昌文具店正式關門大吉,光榮結業,老闆羅先生接受傳媒訪問時亦眼濕濕留下一句:最唔捨得就係街坊。

▲唔少人相繼喺其昌最後一日到場答謝老闆。

尋日下午4點幾,店外店內均人頭湧湧,有人喺其昌店前留影,亦有人帶同一家大細去「掃貨」,唔少家長當年都係由羅先生睇到大,依家再帶番自己嘅小朋友幫襯,但無奈今日已經係最後一日。其中一位區住大埔多年嘅黃太接受傳媒訪問時更因感觸落淚:

一日一日少落去,覺得做唔到啲咩,幫唔到手……

另一位楊太則稱係羅生由細睇到大,如今已為人母嘅佢亦帶番小朋友嚟買文具,其昌文具店可謂楊太同女兒嘅共同回憶。

羅生睇住我大,由叫李小姐到叫楊太,真係好唔捨得

▲老闆講過最唔捨得係班街坊。

但講到最唔捨得,一定係羅先生。唔少街坊特意為羅先生送上手作餅乾、蛋糕,羅生開心到話食唔晒;當羅先生接受傳媒訪問時講到一班街坊,佢就話:「一提起街坊就眼濕濕」,又大讚佢哋真係好好,好有人情味。佢又講到依家新業主做法:

以前成行成市,每個屋邨都有兩間,依家一間都容納唔到,特別依家新業主,唔會照常你哋呢個階層需要。

▲開業至今25年,老闆見證大家長大成人同時,自己亦開放年華老去。

羅老闆多年堅持薄利多銷,累積一班忠心嘅街坊,最難能可貴嘅嗰份小小店人情味。尋夜9點25分,喺十數名街坊見證下,羅老生永久拉下大閘,其昌文具店正式光榮結業。

▲呢一下拉聞,對老闆嚟講可能好沉重,因為永遠都唔會再開得番。

作為運頭塘邨商場「開荒牛」嘅其昌文具,半年前領展出售商場,新業主駿昇接手後即向商場 6 間小店發律師信,以翻新為由逼小店撤走,其昌老闆羅先生不斷向駿昇交涉,經過磋商後,駿昇允許小店留低搬新舖,但租金上升近7成,接近成5萬蚊租,令羅生大呻「簡直係癲價」。其後大埔街坊成立運頭塘互助支援組,並有過千人聯署保住其昌文具店,但可惜最終難逃結業命運。

圖片來源:大埔

#大埔#運頭塘#其昌文具#霸主#人情味#屋邨#羅先生#小店#e分鐘#熱話

相關文章
勁猛鬼自殺勝地? 大埔「消失的泳池」恐怖傳聞
點估到會遇𠝹褲黨 事主:原來佢哋真係好犀利
我們眼中的香港 大埔友航拍林村河日與夜
北區粉嶺開第二間 大埔友:極度渴望有區內戲院
鬧市中的聖誕老人 大埔伯伯與他的煩膠聖誕樹

推介文章
汪明荃 不言休
1O1O呈獻:星星美食旅客 -食日本好「西」
老公囝囝溫馨炮製 謝安琪秘錄新歌賀女滿月
星星美食旅客 - 有牛有高潮
真我個性 龐卓欣
1O1O呈獻:星星美食旅客 -亞洲極速車手遇上牛肉超人
千嬅瞞老公着護士服牀戰 丁子高嬲爆離家
1O1O呈獻:星星美食旅客 -拜見壽司之父
電影世界中的香港 檢閱《攻殼機動隊》6大取景位
白只 不一樣的平凡
李錦聯孖助手 買魚撐枱腳
1O1O呈獻:極上VR放題 目黑搵蝦釣
按此閱讀臉書精彩內容

熱爆e+up


載入中…
x