Ben Sir主持節目夠高質 觀眾嗌唔捨得:獲益良多

Mon Oct 10 2016 15:45:51 GMT+0800 (中國標準時間)

撰文︰Take it e時

近年觀眾對TVB節目冇乜好印象,唔係新瓶舊酒改個名就當新節目,就係節目太過膠欠趣味,難以吸引觀眾,不過最近有個節目就令大家願意開電視之餘,仲坐定定睇,之唔係Ben sir(歐陽偉豪)嘅節目《Ben Sir學堂》囉!其實Ben sir早前嘅《粗口學堂》又或者《學是學非》入面教人正字嘅環節都好受歡迎,所以呢個添食呢個《Ben Sir學堂》都得到觀眾支持,咁節目係咪真係咁正先?

節目有深度

一般綜藝節目,唔係吃喝就係玩樂,雖然都有觀眾睇得開心,但好似唔夠營養。作為語言學家嘅Ben sir,就係想透過節目帶出廣東話或者粵語嘅重要性,好似先前嘅《粗口學堂》,就係借粗口嚟講廣東話嘅博大精深,題材夠晒貼地,觀眾睇節目可以增廣見聞又袋到嘢走,呢啲咪叫深度囉!

▲將粗口融入文化之中,用深度配襯低俗,最終得出更加高質嘅結果。

深入淺出啱口味

唔係喎,深度嘢TVB不時都有,但點解《Ben Sir學堂》會咁受歡迎,明明咁學術成份,點解觀眾又唔覺得悶?好簡單,只因節目有趣味。講高深嘢用文皺皺方式灌輸,就算幾咁有趣味都會聽到都悶啦,番學咩?正所謂百貨應百客,要普通人接受到高深嘢,就要用有趣方法,例如片中嘅短劇形式、惡搞鬧劇,觀眾接受訊息之餘又覺得睇緊笑片,咁咪成功囉!

▲高深之中顯趣味,觀眾易受落。

Ben sir夠幽默

當然唔少得主持人Ben sir啦,有學識不在話下,講嘢風趣幽默,唔會覺得似聽緊書,反而更覺得係聽緊一個人講故事,唔覺眼瞓,難怪有網民話如果可以做到Ben Sir學生,真係唔會走堂或者恰眼瞓!

▲Ben sir成功喚起香港人睇電視之餘,亦將廣東話重要性灌輸俾市民。

你又點睇?

圖片來源:《Ben sir學堂》、《粗口學堂》截圖

#Bensir#歐陽偉豪#Bensir學堂#粗口學堂#廣東話#tvb#粗口#深度#幽默#TakeItE時#熱話

相關文章
黃心美想同Ben sir咀嘴 林作出書自爆一生最愛
搬龍門?假普選?小圈子?  Ben Sir新節目寸爆選舉制度
搞住gag直播打機 Ben Sir:你睇我會唔會爆粗?
Ben Sir直播唱金曲 粵曲、情歌、惡搞歌乜都有
Ben Sir反白眼唱《小幸運》 網民:成個金魚佬咁

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
按此閱讀臉書精彩內容

熱爆e+up


載入中…
x