F4四子15年的蛻變 周渝民榮升做老竇

Wed Apr 06 2016 15:30:47 GMT+0800 (中國標準時間)

撰文︰Take it e時

「陪你去看流星雨落在這地球上。」聽到呢一句,大家就會不其然諗起台灣組合F4!當年佢哋憑《流星雨》一曲爆紅,成為咗好多少女心目中嘅男神,人氣拍得住呢家啲韓國組合㗎!不過時光飛逝,眨下眼大家都變成成年人,四位成員各有發展,其中三位仲已經成家立室。今日周渝民仲宣布要做人爸爸啦!其實依家聽返佢哋啲歌,真係不禁令人回想過去,F4陪住我哋成長,係一個時代嘅指標呀!

▲當年佢哋唱《流星雨》唱到街知巷聞,到依家仍然有好多人模仿佢哋個MV。

▲佢哋四個拍埋偶像劇《流星花園》,成為好多少女心目中嘅男神。

不過人會長大,當時青澀嘅佢哋,呢家都已經變成熟男,喺事業上都各有發展,有啲仲已經娶埋老婆啦!

▲周渝民由細到大都咁靚仔。

周渝民

周渝民呢幾年就專注拍電影同電視劇,仲威水到喺2013年拎咗金鐘獎「戲劇節目男主角獎」。2015年,佢仲同女友喻虹淵結婚!

▲今日仲宣布即將做爸爸呀!恭喜!

▲以前不羈嘅吳建豪,依家都成為咗熟男。

吳建豪

吳建豪嘅發展就非常多元化,又出個人專輯,又拍電視劇電影。2013年同新加坡棕櫚油百億千金石貞善結婚。

▲不過婚後,就經常傳出佢哋兩公婆嘅婚變傳聞。

▲朱孝天嘅身形就比以前肥咗好多,大成兩個碼。

朱孝天

朱孝天就專注拍劇,不過對比其他幾位,就甚少見到佢露面啦!今年3月更喺活動上默認,同女友韓雯雯已婚㖭!

▲好事要成雙呀,咁就快啲追上周渝民,做人爸爸啦!

▲言承旭個樣都真係冇咩變。

言承旭

F4入面唯一未婚嘅,就係言承旭啦!單飛之後,佢就喺電視電影界發展,早排仲喺《我的少女時代》客串㖭!

▲感情上,最為人熟悉嘅就係佢同林志玲嘅一段情,之前兩個人仲隔空話有復合機會,但依家言承旭嘅感情依然係冇動靜。

其實F4係一個時代嘅印證,陪住我哋每一個人成長,見到佢哋依家結婚嘅結婚,生仔嘅生仔,真係好欣慰㗎。言承旭年紀都有返咁上下啦,都希望佢快啲搵啱人,盡早結婚啦!

資料來源:周渝民、言承旭、朱孝天、吳建豪、林志玲 微博照
《流星花園》、《我的少女時代》劇照


#周渝民#言承旭#朱孝天#吳建豪#林志玲#F4#石貞善#喻虹淵#流星雨#我的少女時代#TakeItE時#熱話

相關文章
千呼萬喚終於齊人 朱孝天親證F4明年合體
張栢芝闊別十年再拍劇 孖吳建豪合作《如果,愛》
陳浩民老婆生完九日變A4腰 點解女星佗B都唔肥?
超狼死!小S林志玲互片扯爛衫
不再沉默 林志玲發聲明向陳冠希反擊

推介文章
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
豪宅同居年半 譚凱琪有米男友求婚成功
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
按此閱讀臉書精彩內容

熱爆e+up


載入中…
x