IG出post送別高比拜仁 余文樂曾經打過NBA?

Thu Apr 14 2016 19:25:21 GMT+0800 (中國標準時間)

撰文︰Take it e時

NBA傳奇球員高比拜仁,終於打完職業生涯最後一場比賽,光榮退役。無數曾經同佢合作過、敵對過嘅球星,紛紛向呢位一生只效力一間球會嘅球員作最後致敬,當中包括被網民惡搞話打過NBA嘅余文樂(Fisherman Lok)。當然啦,余文樂就從來冇打過NBA嘅,只係網民惡搞對籃球充滿熱誠嘅樂仔啫,所以當樂仔出post送別高比拜仁時,網民都會笑下其實樂仔先係大明星。

▲余文樂喺現實中,打過香港甲二籃球聯賽。而呢張相只係當年拜仁嚟香港時嘅合照。

過去更加有網民惡搞咗一段「余文樂打NBA」嘅秘史,講述余文樂由街場開始、到新秀選、其後同高比拜仁合作、繼而稱霸NBA、回流香港等大事,成個歷史流程寫晒出嚟,幾可亂真,咁不如一齊睇下網民想像力有幾勁啦!

街場時期(1981- 1998)

自細鍾意籃球嘅Fisherman,細細個開始流連街場。身為芝加哥公牛及洛杉磯湖人球迷嘅佢喺學校未逢敵手。聽聞喺9歲嗰陣,遇上人稱灣仔艾佛遜嘅印度人,從此改變一生。從佢身上學會上乘球技之餘,其後更得到參加NBA新秀選拔嘅機會,當時佢只有17歲。

▲余文樂係娛圈中嘅籃球狂迷。

新秀時期(1999)

喺新秀表演預賽中,Fisherman嘅精湛球技得到西岸霸主洛杉磯湖人、亞特蘭大鷹隊、費城76人等隊伍注意,其中個人獨得61分,隨即被喻為「東方來的超新星」,人氣絕不比早年林書豪嘅「林來瘋」遜色!

▲余文樂惡搞圖多不勝數!

急流勇退(1999)

但點解之後Fisherman會回流香港球壇?原因係當時聯盟嘅新秀規則有缺陷,無法以特殊條例簽署香港球員,令Fisherman無法投身NBA;加上當年狀元終由艾爾頓•布蘭德奪得,因此心灰意冷嘅Fisherman惟有返香港,投身演藝界。

▲唔知林書豪識唔識余文樂呢?

重新出發(2007)

重返香港後,Fisherman搖身一變成為歌手,出唱片又拍電影,人氣一時無兩,其後遇上同樣熱愛籃球嘅歌手周柏豪。兩人惺惺相識,更重燃對籃球嘅熱愛。隨後Fisherman自行宣布暫時退出娛樂圈,再次到美國實現籃球夢。同年加盟洛杉磯湖人,與高比拜仁組成震驚球壇嘅後場組合。

▲網民惡搞余文樂做Fisherman Lok,更幫佢Key落湖人球隊。

巔峰時期(2007-2009)

常規賽場均得24.9分,6.9助攻以及6.4籃板,外線命中高達到60%,更創下連續19場大三元紀錄。當年勒邦占士以狀元秀身份打入NBA,效力馬刺嘅鄧肯更以一句「未來是你的」鼓勵呢位前途無限嘅新星,無奈占士搖頭回答:「前提是沒有余文樂在球場上。」

▲直到今時今日,網民依然不斷回帶。

回流香港(2009-)

Fisherman本來喺NBA極有發揮空間,場均命中20個三分球以交出50個助攻,外線命中率達到98%。但傳聞無敵最寂寞嘅佢,覺得比賽極之無聊,於是決定回港簽約橫州工業,面對佢一生唯一嘅宿敵周柏豪。

▲連記者會都改埋圖,犀利!

▲連樂仔都係高比嘅偶像!

嗱,無唔無聊呢,就真係見仁見智,但余文樂打NBA嘅呢段惡搞歷史,就被傳到街知巷聞,幾可亂真。適逢高比拜仁退役,加上樂仔自己post埋呢張合照,難怪網民會舊事重溫嘅。

圖片來源:余文樂IG

#余文樂#fisherman#lok#樂仔#高比拜仁#湖人#nba#TakeItE時#熱話

相關文章
志明春嬌世紀合唱 余文樂深情版《突然好想你》
千嬅瞞老公着護士服牀戰 丁子高嬲爆離家
為打卡危坐「志明橋」 余文樂嗌停:出事不值得
金像獎提名公布 《七月與安生》獲12項提名勝星爺
公開戀情被粉絲封殺 余文樂:有必要說話咁狠?

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x