sweet爆嫁強強趕造人? 香香:要睇生咗一個出嚟咩感覺先

Sun Dec 18 2016 14:52:52 GMT+0800 (HKT)

▲一對新人喺當地EBENEZER BAPTIST CHURCH行禮,於二百位賓客見證下,正式成為夫妻。

以下畫面係咪你最期待嘅就唔知喇,但對於岑麗香嘅親朋戚友就肯定係最高興、最興奮喇,因為今日香香喺溫哥華結婚,正式成為人妻喇!

唔習慣喺鎂光燈下面見人,但人生大事點都要頂硬上!而香香就唔使講,肯定係同自己個花名「香香公主」一樣,成個公主咁,就算行禮期間感動到喊,望落都係靚過人!

▲香香同強強全程拖到實,做訪問時香香突然彈然出一句:「你個嘴,不如我幫你抹一抹」甜到漏。

香香同強強一開始先以中式裙褂禮服示人,向雙方父母斟完茶後,就換番西式禮服同婚紗,挽手步入舉行婚禮嘅宴會廳。雖然強強係圈外人。

▲婚後香香唔想同老公分隔兩地,「我哋唔想再Long Distance,好辛苦,依家安排緊一齊喺香港生活。」

事後,香香同強強有會見傳媒,心情靚靚嘅香香表示:「多謝晒!辛苦晒咁多位!今朝喺教堂行禮,因為地方比較細,所以大家都好close。」之後又好興奮咁Show 戒指:「今日正式結婚lu。」在場記者不斷稱呼香香做「強嫂」,香香即刻笑唔停,似乎幾受落,不過都補充一句,叫番香香都冇問題,之後雙方仲應傳媒要求即場錫錫㖭!

▲被問到婚後係咪即趕工造人,香香話:「生幾多個,可能要生咗一個出嚟睇吓咩感覺先再決定,哈哈。」

最多人關心嘅另一個話題,肯定係幾時生仔。香香話同強強有共識,就係先努力事業,再諗生BB。「其實大家都想生小朋友,但應該冇咁快,長輩佢哋想多啲,你哋睇我今日收到兩隻金豬!至於生幾多個,可能要生咗一個出嚟睇吓咩感覺先再決定,哈哈!」

雖然你咁講啫,但你班「處女黨」姊妹就唔係咁睇,當然希望你生多啲小朋友,李亞男祝佢三年抱三,至於鍾嘉欣就表示「三年抱二都ok」。Anyway , 幾時生仔都好,最重要係開開心心,成班姊妹都祝香香新婚快樂。


#岑麗香#香香#香香嫁強強#溫哥華#強嫂#e分鐘#熱話
相關文章
強嫂拖老公返港 甜笑晒婚戒
曾被小三搶男友 岑麗香閃嫁箍實老公
【多圖】激靚夢幻婚照 岑麗香ig分享做人妻喜悅
預告童話婚禮出嫁 岑麗香:強強真係好好
重溫劇集經典「金句」 岑麗香廣東話進化史
推介文章
開心快活人
劉華墮馬盆骨重創 朱麗倩緊張爆喊
【密密食小隊】 足料爆餡大水餃 兩小時刺身火鍋放題
愛老婆會發達
【跟住爸爸去福島】下世要做豬
獨家 王菲霆鋒秘密愛巢曝光
殺出個未來 朱咪咪
唐詩詠痴心錯付 洪永城冧理財女神10年
用愛關懷流浪動物 以暫養為貓狗建立溫暖家庭
有愛就有幸福 四隻開心貓咪的故事
最新郵輪海上zip line 飛越汪洋
台北私家露天溫泉 浸獨家原湯
按此閱讀臉書精彩內容

熱爆e+up


載入中…